İdman

Çempionlar Liqasında 1/8 final mərhələsinə yekun vurulacaq

15 Mart 2023 08:30

Baxış: 1 067

#ÇEMPİONLAR LİQASI #FUTBOL

Bu gün UEFA Çempionlar Liqasında 1/8 final mərhələsinə yekun vurulacaq.

Milli.Az "report"a istinadən bildirir ki, son oyun günündə keçiriləcək iki qarşılaşma ilə 1/4 finalın bütün iştirakçıları bəlli olacaq.

İspaniya "Real Madrid"i İngiltərədə 5:2 hesabı ilə qalib gəldiyi "Liverpul"u qəbul edəcək. Görüşün baş hakimi almaniyalı Feliks Tsvayer olacaq.

Gecənin digər matçında isə "Napoli" İtaliyada Almaniyanın "Ayntraxt" (Frankfurt) komandasını sınağa çəkəcək. Neapol təmsilçisi ilk qarşılaşmada 2:0 hesablı qələbə qazanıb. Oyunu ingiltərəli FIFA referisi Entoni Teylor idarə edəcək.

UEFA Çempionlar Liqası
1/8 final, cavab oyunları
15 mart

00:00. "Real Madrid" (İspaniya) - "Liverpul" (İngiltərə)
Baş hakim: Feliks Tsvayer (Almaniya)
İlk oyun - 5:2
Madrid, "Santyaqo Bernabeu" stadionu

00:00. "Napoli" (İtaliya) - "Ayntraxt" Frankfurt (Almaniya)
Baş hakim: Entoni Teylor (İngiltərə)
İlk oyun - 2:0
Neapol, "Dieqo Armando Maradona" stadionu

Qeyd edək ki, daha əvvəl Almaniyanın "Bavariya", Portuqaliyanın "Benfika", İngiltərənin "Çelsi" və "Mançester Siti", həmçinin İtaliyanın "Milan" və "İnter" komandaları 1/4 finala vəsiqə qazanıblar.

Milli.Az