Cəmiyyət

Bakıya dayanmadan yağış yağacaq - Proqnoz

6 Oktyabr 2026 12:50

Baxış: 664

VTB-də minimal faiz dərəcəsi ilə nağd kredit 9.9%-dən

Bakıda və Abşeron yarımadasında oktyabrın 6-dan 7-nə keçən gecə və səhər saatlarında yağışın intensivləşəcəyi gözlənilir.

Milli.Az xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, bəzi yerlərdə yağışın qısamüddətə güclü olacağı ehtimal edilir. Günün ikinci yarısından yağıntılar tədricən kəsiləcək. Cənub-şərq küləyi səhər saatlarında şimal-qərb küləyi ilə əvəz olunacaq.

Bakıda və Abşeron yarımadasında havanın temperaturu gecə 15-17°, gündüz 18-22° isti olacaq. Atmosfer təzyiqinin 764 mm civə sütunundan 767 mm civə sütununa yüksələcəyi, nisbi rütubətin isə 70-80 faiz təşkil edəcəyi gözlənilir.

Azərbaycanın rayonlarında da bəzi yerlərdə arabir yağış yağacağı proqnozlaşdırılır. Ayrı-ayrı ərazilərdə yağışın leysan xarakterli və intensiv olacağı, şimşək çaxacağı, dolu düşəcəyi ehtimal edilir. Dağlıq ərazilərdə qar yağacağı, gecə və səhər saatlarında bəzi şərq rayonlarında yağıntıların güclənəcəyi bildirilir.

Axşam saatlarından yağıntılar tədricən kəsiləcək. Gecə və səhər bəzi yerlərdə duman müşahidə olunacaq. Şərq küləyi əsəcək.

Havanın temperaturu gecə 11-16°, gündüz 20-25° isti, dağlıq ərazilərdə gecə 2-7°, gündüz 13-18° isti olacaq.

Müəllif: Malik Məlikov (Milli.Az redaktor)