İdman

"Qarabağ"a qalib gələ bilərik"

25 Fevral 2023 22:00
Baxış: 1 083
VTB-də minimal faiz dərəcəsi ilə nağd kredit 10.49%-dən

"Neftçi"nin qapıçısı İvan Brkiç klub televiziyasına açıqlama verib.

Milli.Az Qol.az-a istinadən xəbər verir ki, 28 yaşlı qolkiper Misli Premyer Liqasının 24-cü turunda "Qarabağ"a qarşı səfərdə keçirəcəkləri matç barədə danışıb.

"Əvvəlki oyunlara necə hazırlaşırdıqsa, bu görüşə də o cür hazırlaşmaq lazımdır. Öz gücümüzü bilirik. "Neftçi"yə gələndən bəri ilk dəfədir uğurlu seriya əldə etmişəm. Dörd oyundur ki, eyni heyətlə çıxış edirik. Bu, komandaya müsbət təsir göstərir, meydanda bir-birimizi daha yaxşı başa düşürük. Ardıcıl dörd görüşdə qol buraxmamağım təkcə mənim yox, müdafiə xəttinin və bütün oyunçuların uğurudur. Ümid edirəm ki, bu seriyanı qoruyub saxlaya biləcəyik. Düşünürəm ki, səfərdə yaxşı oyun nümayiş etdirib, "Qarabağ"a qalib gələ bilərik".

Qeyd edək ki, fevralın 27-də "Azersun Arena"da keçiriləcək "Qarabağ" - "Neftçi" oyunu saat 20:00-da başlayacaq.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.