İdman

Ronaldo: Gülləkeçirməzəm!

22 Noyabr 2022 08:32

Baxış: 1 096

VTB-də minimal faiz dərəcəsi ilə nağd kredit 9.9%-dən

#FUTBOL

İstədiyim vaxt danışıram, gülləkeçirməzəm.

Milli.Az Report-a istinadən məlumatına görə, bunu Portuqaliya millisinin və İngiltərənin "Mançester Yunayted" komandasının futbolçusu Kriştianu Ronaldo özü ilə bağlı tənqidlərə cavab verərkən deyib.

37 yaşlı hücumçu mətbuatı yalan informasiya yaymaqda ittiham edib:

"Zaman hər zaman vacibdir. Başqalarının nə düşünməsindən narahat olmadan gah doğru, gah da yalan yazırsınız. Kim olduğumu, nəyə inandığımı hamı bilir".

Təcrübəli forvard böyük potensiala sahib olduqlarını bildirib:

"Əvvəlcə Qana yığması ilə oyun haqqında düşünüb, sakitcə hərəkət etməliyik. Bu matçla böyüyəcəyik. Ən yaxşı komanda çempion olacaq. Favoritlər Braziliya, Argentina, Fransa, İspaniya və Almaniya hesab olunur. Amma 2016-cı ildə Avropa çempionu olanda gördük ki, daha yaxşısını edə bilərik".

O, rekord dalınca qaçmadığını əlavə edib:

"Özləri məni tapır. Heç nəyə ehtiyacım yoxdur, hər şeyim var. Amma dünya kubokunu qazanmaq möhtəşəm olardı".

Qeyd edək ki, Portuqaliya millisi H qrupunda Qana, Uruqvay və Cənubi Koreya ilə mübarizə aparacaq.

Milli.Az