İdman

Stanislav Çerçesov: "Əvvəlki "Qarabağ"la indikini cavab oyunundan sonra müqayisə edə bilərəm"

3 Avqust 2022 22:22

0 Şərh Baxış: 1 747

VTB-də minimal faiz dərəcəsi ilə nağd kredit 10.49%-dən

#ÇEMPİONLAR LİQASI #QARABAĞ

"Əvvəlki "Qarabağ"la indikini yalnız cavab oyunundan sonra müqayisə edə bilərəm".

Milli.Az "report"a istinadən bildirir ki, bunu Macarıstanın "Ferensvaroş" komandasının baş məşqçisi Stanislav Çerçesov Bakıda "Qarabağ"la 1:1 hesablı heç-heçə etdikləri UEFA Çempionlar Liqasının III təsnifat mərhələsinin ilk oyunundan sonra mətbuat konfransında deyib.

Rusiyalı mütəxəssis bildirib ki, geri çəkilmələri səfərdə oynamaqla bağlı idi: "Komandanın öz meydanında oynaması üstünlükdür. Azarkeşlər də öz futbolçularını irəli səsləyirdilər. Buna görə müəyyən anlarda müdafiə olunduq. Burada hava şəraiti də rol oynadı. Amma bizim də yaxşı epizodlarımız oldu. Bu da onu göstərir ki, heç də geri çəkilməmişdik".

59 yaşlı baş məşqçinin sözlərinə görə, həm oyundan, həm də nəticədən razı qalıb: "Komanda bütün lazımi sözləri məndən eşidəcək. Elə şeylər var ki, öz aramızda danışırıq. Bu, ictimaiyyət üçün deyil. Deyəcəyim sözləri növbəti matçda nümayiş etdirəcəyik".

Çerçesov Rusiyadan yaxşı tanıdığı Ramil Şeydayev haqqında da danışıb: "Ramili çox yaxşı tanıyıram. Amma o, hazırda digər komandada çıxış edir. Ona görə də Şeydayevin çıxışını həmkarım dəyərləndirsə, daha yaxşı olar. Mənim onun oyununu şərh etməyim dügün olmaz".

O, cavab oyunundakı şansları da dəyərləndirib: "1:1 hesabı onu deyir ki, hər şey yenidən başlayacaq".

Qeyd edək ki, komandalar arasında cavab matçı avqustun 9-da Budapeştdə keçiriləcək.

Milli.Az