İdman

Ronaldo nə üçün tatu və saqqala qarşıdır?

19 İyun 2022 16:15
0 Şərh     Baxış: 1 434
VTB-də minimal faiz dərəcəsi ilə nağd kredit 9.9%-dən
#İDMANÇI

Meydandakı futbolu ilə yanaşı həyat tərzi ilə də tez-tez gündəmdə olan Kriştiano Ronaldo bədənində döymə olmayan futbolçular arasındadır. Saqqal uzatmağın da əleyhinə olan portuqaliyalı ulduzun bu seçiminin səbəbləri ortaya çıxıb.

Milli.Az "Qafqazinfo"ya istinadən xəbər verir ki, çox tez-tez qan verən Ronaldonun xəstəliklərə yoluxma riskinə qarşı döymə etdirmədiyi bildirilib. Digər tərəfdən dünyaca məşhur hücumçunun həm gənc göründüyü, həm də ülgüc markasının siması olduğu üçün saqqal buraxmadığı iddia edilir.

Kriştiano Ronaldo keçmiş komanda yoldaşı Karlos Martinin oğlu üçün mütəmadi olaraq qan verir. Portuqaliyalı ulduz açıqlamalarının birində "Martinin oğlunun vəziyyətinin ağır olduğunu və bütün komandanın ona kömək etməyə çalışdığını bilirdik" sözlərini işlədib. Tez-tez qan verən portuqaliyalı ulduz qan donorluğuna mane olmaması üçün döymə etdirmir. Məlum olduğu kimi, tatu etdirən şəxs yoluxma riski səbəbindən ən azı 12 ay qan verə bilməz.

Kriştiano Ronaldonun niyə saqqal saxlamaması ilə bağlı çoxlu şayiələr var. Bəziləri portuqaliyalı ulduzun gənc görünmək üçün belə bir seçim etdiyini iddia edərkən, bəziləri aktyorun ülgüc brendinin sponsoru olduğu üçün saqqal saxlamadığını bildirir. DÇ-2018-də "keçi saqqalı" saxlayan Ronaldo bunu Kuarejma ilə mərcdən sonra etdiyini açıqlayıb.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.