İdman

Ukrayna yığmasının lideri müharibədən danışaraq ağlayıb - VİDEO

1 İyun 2022 19:00
1 Şərh     Baxış: 1 049
VTB-də minimal faiz dərəcəsi ilə nağd kredit 10.49%-dən

Ukrayna millisinin yarımmüdafiəçisi Aleksandr Zinçenko DÇ-2022-nin pley-off seçimi çərçivəsində Şotlandiya millisi ilə oyun öncəsi mətbuat konfransında göz yaşlarını saxlaya bilməyib.

Milli.Az UNİAN-a istinadən bildirir ki, jurnalist futbolçudan şotlandlarla qarşıdakı oyunla bağlı sual verib. Aleksandr müharibə haqqında dediyi sözlər zamanı duyğularını saxlaya bilməyib.

"Ukraynalıların hər birinin əsas arzusu var - müharibəni dayandırmaq. Mən müxtəlif ölkələrdən çoxlu insanlarla danışmışam. Ukraynalı uşaqlarla danışmışam, onlar heç nə başa düşmürlər, amma bir şeyi deyirlər: "Arzu edirəm ki, müharibə bitsin".

Amma futboldan danışsaq, bizim də öz arzumuz var - dünya çempionatına getmək və bu çətin zamanda bu emosiyaları ukraynalılara bəxş etmək. Çünki onlar buna layiqdirlər.

Sabahkı oyundan çox ukraynalının iştirak etmək imkanı olmayacaq, amma biz onların dəstəyini hiss edəcəyik. Çox şey deyə bilərsiniz, amma biz bunu meydanda etməliyik. Biz ukraynalıları sevindirməyə çalışacağıq", - Zinçenko bildirib.

Xatırladaq ki, çərşənbə günü, iyunun 1-də futbol üzrə Ukrayna yığması səfərdə 2022-ci il dünya çempionatının pley-off mərhələsində Şotlandiya komandası ilə qarşılaşacaq. Oyun Qlazqodakı Hampden Parkda keçiriləcək.

Bu oyunun qalibi 2022-ci il dünya çempionatının daha bir iştirakçısının müəyyənləşəcəyi Uels millisi ilə oyun keçirəcək.

Ukrayna millisi artıq Şotlandiyanın Qlazqo şəhərinə gəlib. Buna qədər milli komanda Sloveniyada məşq edib.

Aslan Məmmədov
Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.