Cəmiyyət

Kürdəmirdə nar istehsalçıları satdıqları məhsulun pulunu ala bilmirlər - İDDİA VƏ CAVAB - VİDEO

23 Noyabr 2021 03:17
0 Şərh     Baxış: 1 443
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kürdəmir rayonunun Ərəbqubalı kəndində fərdi təsərrüfatlarında nar yetişdirən fermerlər satdıqları məhsulun pulunu ala bilmədiklərindən şikayət edirlər. Onlardan kimisi 3000, kimisi 4500, kimisi də 11 min manatlıq narın pulunu oktyabr ayının əvvəlindən etibarən satdıqları şəxsdən ala bilmədiklərini iddia edirlər.

Milli.Az Xəzər TV-yə istinadən xəbər verir ki, fermerlər ümumilikdə 15 nəfərə 53 min 520 manat zərər dəydiyini iddia edirlər.

Yalnız məhsulu satanlar deyil, qablaşdırma prosesində fəhlə kimi işləyən şəxslər də bu məsələdə zərərçəkmiş olduqlarını deyirlər.

Fəhlələrin sözlərinə görə, ümumilikdə 7000 manata qədər pul onlara ödənilməyib.

Məsələ ilə bağlı adı hallandırılan şəxslərdən biri, soyadını deməkdən imtina edən Əli adlı şəxslə telefon əlaqəsi saxladıq.

Məsələ ilə bağlı fermerlər rayon polis şöbəsinə müraciət ediblər.

Daxili İşlər Nazrliyinin mətbuat xidmətinin Şirvan regional qrupunun baş inspektoru, polis baş leytenantı Nizam Həmidov "Xəzər Xəbər"ə bildirib ki, məsələ hazırda şöbənin təhqiqat bölməsində araşdırılır. Araşdırmanın nəticəsindən asılı olaraq məsələyə hüquqi qiymət veriləcək.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.