PUL
.jpg)
"Azəriqaz" İB: Problem tezliklə həllini tapacaq
Xaçmaz rayonunun Yalama qəsəbəsinin yeni yaşayış massivinin sakinləri mavi yanacaq problemindən əziyyət çəkirlər. 10 ailə uzun illərdir təbii qazdan istifadə edə bilmir. Buna səbəb onların yaşadığı əraziyə qaz xəttinin çəkilməməsidir. Təbii qaz olmadığı üçün sakinlər alternativ yanacaq mənbəyi kimi odundan istifadə edirlər. Odun əldə etmək isə heç də asan deyil.
Milli.Az Real TV-ə istinadən bildirir ki, şikayətçi sakinlərin dediklərinə görə, bir neçə dəfə aidiyyatı qurumlara müraciət ediblər. Onlara bildirilib ki, qaz xəttlərinin çəkilişi sakinlərin öz vəsaitləri hesabına aparılmalıdır. Lakin həmin məğləğ yüksək olduğu üçün onların imkanları xaricindədi. Bu səbəbdən də sakinlər Azəriqaz İstehsalat Birliyinindən küçə xəttlərinin çəkilməsini tələb edir.
Yalama qəsəbəsinin sakinlərinin şikayəti ilə bağlı Azəriqaz İstehsalat Birliyinə müraciət etdik. Qurumun ictimaiyyətlə əlaqələr şöbəsinin rəisi Eldəniz Vəliyev bildirdi ki, müraciətimizdən sonra əraziyə baxış keçiriləcək və tezliklə sakinlərin qazla bağlı problemi həll ediləcək.
Ümid edirik illərlə qazsız keçinən sakinlər üçün bir qədər də səbr etmək çətin olmayacaq. Bununla da problem bir dəfəlik həllini tapacaq və onlar da digər sakinlər kimi mavi yanacaqdan istifadə edəcəklər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
