Cəmiyyət

Şəhadətin Alı ucalığı - VİDEO

23 İyun 2021 17:48
Baxış: 571
VTB-də minimal faiz dərəcəsi ilə nağd kredit 10.49%-dən

Vətən müharibəsi şəhidi Alı Həsənli xatirə lövhəsi qarşısında anıldı

Milli.Az Real TV-ə istinadən bildirir ki, bu insanların bir araya gəlmə səbəbi Vətən müharibəsi şəhidi Həsənli Alı Nofəl oğludur.

26 il əvvəl bu məhəllədə doğulub boya-başa çatan Nofəlin xatirə lövhəsi, onun ailə üzvləri, dostları, silahdaşları, iş yoldaşları üçün and və anım yeridir. Xatirə lövhəsinin açılış mərasimində iştirak edənlər Alının döyüş yolundan, onun Vətənə olan bağlılığından danışıblar.

Həsənli Alı ötən ilin sentyabrın 21-dən hərbi təlimlərə cəlb edilib. Sentyabrın 27-dən isə Ordumuzun həyata keçirdiyi əks-hücum əməliyyatlarında iştirak edib.

O, Füzuli və Cəbrayılın azadlığı uğrunda döyüşlərdə rəşadət göstərib və oktyabrın 21-də şəhid olub.

Prezident İlham Əliyevin sərəncamı ilə Alı Həsənli ölümündən sonra "Vətən uğrunda" və "Füzulinin azad olunmasına görə" medalları ilə təltif olunub.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.