Cəmiyyət

UVS Production debüt konsert proqramını təqdim etdi - FOTO

30 Noyabr 2025 15:05

Baxış: 812

VTB-də minimal faiz dərəcəsi ilə nağd kredit 9.9%-dən

UVS Production özünün ilk konsert proqramını "Bəşəriyyəti musiqi birləşdirir" adı altında təqdim edib. Tədbirdə etnik və Qərb musiqisinin sintezi əsasında hazırlanan kompozisiyalar səsləndirilib. Gənc ifaçıların iştirakı ilə baş tutan konsert yeni musiqi nəfəsi və keyfiyyətli canlı performansları ilə seçilib.

Gecəyə aktrisa Rumiyyə Ağayeva aparıcılıq edib. Açılışı balaban və klarnetin ifasında Amin Amaris və "Neva Band" həyata keçirib. Onların klassik və müasir musiqinin vəhdətindən ibarət proqramı milli musiqi irsinə yeni tərz qazandırıb.

Daha sonra səhnəyə "UVS Band"in müşayiəti ilə Nigar The One çıxaraq öz ifaları ilə proqramı davam etdirib. Təqdim olunan canlı aranjemanlar mahnıların daha təsirli şəkildə səslənməsinə imkan yaradıb.

Gecənin finalında reper Eddie Bueno çıxış edərək 2026-cı ildə rəqəmsal platformalarda təqdim olunacaq "Buenos Aires" albomundan bir sıra mahnıları ilk dəfə olaraq ifa edib.

Konsertdə bəstəkar Vaqif Gərayzadə, aktyor Kamran Ağabalayev, Hacı Nuran, doktor Cahid Şahbazov, Səriyyə Dadaşova, İlyas Danilov (Danilov Baku), Tahir Əliyev (Concept Club) və müxtəlif şirkət rəhbərləri ilə yanaşı, əcnəbi qonaqlar da iştirak edib.

Milli.Az