Cəmiyyət

Bilgəh çimərliyində iyrənc mənzərə - FOTO

21 İyun 2021 17:48

Baxış: 1 537

VTB-də minimal faiz dərəcəsi ilə nağd kredit 9.9%-dən

Sosial şəbəkədə tez-tez kanalizasiya sularının Bakının müxtəlif qəsəbələrindəki dənizə axıdıldığını əks etdirən görüntülərə rast gəlirik.

Belə bir hal bu dəfə Bilgəh qəsəbəsindəki çimərlikdə baş verib.

Milli.Az baku.ws-ə istinadən bildirir ki, çimərlik ərazisinə çirkab suları axıdılır.

Çimərlik mövsümünün başladığını nəzərə alsaq, dəniz suyunun natəmizliyi böyük narahatlıq yaradır. İllərdir ki, çimərliklərə çirkab sularının axıdılmasının qarşısının alınması ilə bağlı tədbirlər həyata keçirilsə də, hələ də çimərlik ərazilərinə kanalizasiya sularının axıdılması davam edir.

Mövcud problemlə bağlı Ekologiya və Təbii Sərvətlər Nazirliyinə müraciət etdik. Qurumun mətbuat xidmətindən bildirilib ki, sözügedən ərazidə araşdırma aparılacaq və ictimaiyyətə məlumat veriləcək.

Milli.Az