Cəmiyyət

Tovuzda “cəhənnəm körpüsü” - Sakinlər qorxu içindədir - VİDEO

19 İyun 2021 11:44
Baxış: 1 238
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tovuzun Qəribli kəndində yerləşən körpü qəzalı vəziyyətdə olduğundan onun üzəri ilə hərəkət etmək olduqca təhlükəlidir. Körpünün istifadə üçün yararsız olması bədbəxt hadisələrə şərait yaradır.

Milli.Az xezerxeber.az-a istinadən bildirir ki, sütünu yuyulan boru dirəklər, qopan məhəccərlər və yararsız vəziyyətdə olan dəmir örtüklər.

Tovuzun Qəribli kəndini ətraf kəndlərlə birləşdirən körpü qəzalı vəziyyətdədir. Sakinlərin sözlərinə görə zəif külək əsəndə belə həm piyadaların, həm də avtomobillərin hərəkəti qorxuludur.

Körpünün qəzalı vəziyyətdə olması xoşagəlməz hallara şərait yaradır. Yıxılaraq xəsarət alan və dünyasını dəyişən şəxslər də olub. Körpünün gündən-günə deformasiyaya uğraması ciddi təşvişə səbəb olub.

Mövcud problemdən Tovuz Rayon İcra Hakimiyyəti də xəbərdardır. Qurumun memarlıq və tikinti şöbəsinin baş məsləhətçisi Mübariz Məmmədov bildirib ki, sözügedən ərazidə yeni körpünün tikintisi nəzərdə tutulmayıb. Onun əsaslı şəkildə təmir edilməsi planlaşdırılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.