Cəmiyyət

Göygöldə yaradılan donuz ferması sakinləri narahat edir - VİDEO

8 İyun 2021 09:49
Baxış: 1 473
VTB-də minimal faiz dərəcəsi ilə nağd kredit 9.9%-dən
#CƏMİYYƏT #VİDEO

Göygöl şəhəri, Şıxlinski küçəsində yaşayan Ramiz Mustafayev həyətyanı sahəsində donuz saxlamaqla bütün qonşuları narazı salıb.

Milli.Az Xəzər TV-yə istinadən xəbər verir ki, fermadan ətrafa yayılan qoxu artıq sakinləri təngə gətirib.

Qonşular deyirlər ki, ərazidə kəskin qoxu var və antisanitariya hökm sürür. Vəziyyət getdikcə dözülməz hal alır.

Ərazidə yaşayanlar problemdən çıxış yolu tapmaq üçün mümkün olan bütün variantlara əl atıblar. Onlar aidiyyəti qurumlara müraciət ediblər.

Küçə sakinlərinin sözlərinə görə, bir müddət əvvəl sahibi donuzları Mollacəlilli kəndindəki əraziyə köçürübmüş, ancaq sonradan geri gətirmək qərarına gəlib.

Ramiz Mustafayev deyir ki, donuzları köhnə yerinə müvəqqəti qaytarıb və tezliklə başqa əraziyə köçürəcək.

Göygöl Rayon Polis Şəbəsindən isə bildirirlər ki, vətəndaşların müraciəti əsasında artıq Ramiz Mustafayevə qarşı inzibati tənbeh tədbiri görülüb.

Mövzu ilə bağlı daha ətraflı videomaterialı təqdim edirik:

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.