Cəmiyyət

Atası tərəfindən şiddətə məruz qalan uşaqla bağlı məsələ DİN-in nəzarətindədir - FOTO

18 Aprel 2021 11:41
Baxış: 1 116

Sosial şəbəkələrdə Keşlə qəsəbəsində azyaşlının atası tərəfindən mütəmadi olaraq şiddətə məruz qaldığı barədə məlumatlar yayılıb. 

Milli.Az oxu.az-a istinadla xəbər verir ki, iddialara görə, azyaşlının müdafiəsi ilə bağlı bir çox sosial şəbəkə istifadəçiləri tərəfindən paylaşımlar edilib. 

Bununla bağlı "Azərbaycan Uşaqları" İctimai Birliyinin sədri Kəmalə Ağazadə də paylaşım edib. Onun sözlərinə görə, azyaşlının şiddət gördüyünü dair ona da zənglər daxil olub:

"Mənə zəng edib bu uşağın atası tərəfindən şiddət gördüyü, anasının isə vəziyyətə heç bir reaksiya vermədiyi bildirilib. Məsələ ilə bağlı aidiyyəti qurumlara məlumat vermişəm. Əgər bu uşağa qarşı cinayət faktları öz təsdiqini taparsa, ana da məsuliyyət daşımalıdır".

Məsələ ilə əlaqədar Daxili İşlər Nazirliyinə (DİN) sorğu ünvanlanıb. DİN-in mətbuat xidmətinin şöbə rəisi Elşad Hacıyev bildirib ki, azyaşlı ilə bağlı məsələ rəhbərliyin nəzarəti altındadır:

"Bu məsələ ilə bağlı araşdırma aparılır. Araşdırmanın yekun nəticələri barədə ictimaiyyətə məlumat veriləcək".

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.