Cəmiyyət

Göygöl milli parkına giriş pulsuz olacaq - FOTO

31 Mart 2021 19:24

Baxış: 1 680

#CƏMİYYƏT #TƏBİƏT

Göygöl milli parkının yaranması günü ilə əlaqədar aprelin 1-də milli parkda "açıq qapı" günü keçiriləcək və ziyarətçilər milli parka giriş haqqından azad olunacaq.

Bu barədə Ekologiya və Təbii Sərvətlər Nazirliyindən Milli.Az-a bildirilib.

Nazirlik gözəlliyi və füsunkarlığı ilə diqqət çəkən Göygöl milli parkının mənzərəli təbiətini görmək istəyən hər kəsi milli parka dəvət edir: "Təbiətin oyanışını, baharın göz oxşayan görüntülərini müşahidə etmək, torpaqda baş qaldıran yeni cücərtilərin, bənövşə və nərgiz güllərinin özünəməxsus ətrini duymaq, füsünkar gözəlliklərdən həzz almaq istəyirsinizsə Göygöl milli parkına səyahət edin!

Qeyd edək ki, Göygöl milli parkı ətraf mühitin mühafizəsi, nəsli kəsilməkdə olan nadir flora və fauna növlərinin qorunub saxlanılması və ekoturizmin inkişaf etdirilməsi məqsədilə Azərbaycan Respublikası Prezidentinin 2008-ci il 1 aprel tarixli Sərəncamı ilə yaradılıb".

Milli.Az