Cəmiyyət

Hirkan qoruğu UNESCO-nun siyahısında

11 Yanvar 2012 11:49
0 Şərh     Baxış: 12 061
VTB-də minimal faiz dərəcəsi ilə nağd kredit 9.9%-dən
Milli.Az-ın Cənub TV kanalına istinadən verdiyi məlumata görə, əsrarəngiz təbiəti ilə seçilən Hirkan relikt meşələrinin mühafizəsi məqsədilə ilk dəfə olaraq 1936-cı ilin dekabrında Hirkan qoruğu yaradılıb. İlk vaxtlar qoruğun sahəsi 886 ha təşkil edirdi, 2004-cü ilin fevralın 9-da Azərbaycan Respublikası prezidentinin sərəncamı ilə Hirkan Milli Parkı yaradıldı. Park çoxlu sayda endemik və relikt növlərin mövcud olduğu nəhəng təbiət muzeyidir. Bu muzeyin yaşı min illərlə ölçülür. Buzlaşma dövründə nəhəng buz parçalarının çökəklikdə yerləşən Xəzər dənizində tədricən əriməsi nəticəsində bu ərazilər buzlaşmaya məruz qalmayıb. Nəticədə qədim meşə örtüyü məhv olmayaraq bu günümüzədək gəlib çatıb.

Parkın yerləşdiyi Lənkəran zonasının subtropik meşələrinin ən səciyyəvi xüsusiyyətlərindən biri də burada Hirkan meşələrinin yaxşı saxlanması, bir çox endemik, nadir ağac və kollarının geniş yayılmasıdır. Talış zonasının flora və faunasına 40 endemik növlə yanaşı, 150 növ daxildir. Ağac və kolların bir çox növləri Qırmızı Kitaba daxil edilib. Ərazinin bitki aləminin zənginliyi burada çoxsaylı heyvanların yaşamasına imkan yaradıb.

Hirkan Milli Parkı saysız-hesabsız quşların da  məskənidir. Azərbaycan Respublikası Ekologiya Nazirliyinin təklifi əsasında Hirkan Milli Parkı UNESKO-nun tərtib etdiyi "Ümumdünya mədəni irs siyahısı"na daxil olması üçün qeydiyyata alınıb. Bu, həqiqətən də parkın dünyəvi əhəmiyyətə malik olmasını göstərir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.