Cəmiyyət

Koronavirus daşıyıcıları ictimai yerlərdə aşkarlandılar - FOTO

12 Dekabr 2020 17:39

Baxış: 767

VTB-də minimal faiz dərəcəsi ilə nağd kredit 10.49%-dən

#KORONAVİRUS

Cəlilabad və Masallıda daha 2 koronavirus daşıyıcısının yaşayış yerini tərk etdiyi aşkarlanıb.

Cəlilabad və Masallıda polis əməkdaşlarının keçirdiyi müvafiq tədbirlərlə COVID-19 infeksiyasına yoluxmuş daha 2 şəxsin yaşayış yerini tərk etdiyi müəyyən edilib.

DİN mətbuat xidmətinin Lənkəran regional qrupundan Milli.Az-ın cənub bürosuna verilən məlumata görə, Cəlilabad rayon sakini M. Abbasov və Masallı rayon sakini Z. Teyyubova COVID-19 infeksiyası testinin pozitiv nəticəsinə görə ev şəraitində müalicə təyin edilib və onlara yaşayış yerini tərk etməmələri tapşırılıb.

Polis əməkdaşlarının keçirdiyi müvafiq tədbirlərlə həmin şəxslərin karantin qaydalarını kobud şəkildə pozaraq və digər şəxslərin koronavirus infeksiyasına yoluxmasına şərait yaradaraq yaşayış yerlərini tərk etdiyi müəyyən edilib və onlar ictimai yerlərdə aşkarlanaraq tibbi prosedurlar gözlənilməklə yaşadıqları ünvanlara geri qaytarılıblar.

Həmin şəxslərin törətdiyi əmələ hüquqi qiymət verilməsi üçün araşdırma aparılır.

Milli.Az