Cəmiyyət

Fəzail Ağamalının səhhəti PİSLƏŞDI: "Özümə gələ bilmirəm”

26 Oktyabr 2025 14:29

Baxış: 1 664

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MİLLƏT VƏKİLİ

Ana Vətən Partiyasının sabiq sədri və keçmiş millət vəkili Fəzail Ağamalının səhhəti pisləşib.

Milli.Az-ın Manset.az-a istinadən məlumata görə, dünən gecə anidən Fəzail Ağamallının sağlamlığında problem yaranıb.

Dərhal paytaxtda yerləşən özəl klinikalardan birindən təcili tibbi yardım çağırılıb. Ona ilkin tibbi yardım göstərilib və müalicə təyin edilib.

Faktı Fəzail Ağamalı təsdiq edib. O bildirib ki, dünən qurultayda baş verənlər ona pis təsir edib:

"Dünən olanlardan mən hələ də özümə gələ bilmirəm. Gecə qəfil özümü pis hiss etməyə başladım. Dərhal ailə həkimimi çağırdıq. Mənə tibbi yardım göstərdi. Həkim dedi ki, bu stressdən və əsəb gərginliyindən olub.Bilirsiniz, mən ürəyimdən əməliyyat olunmuşam. Çox təəssüf olsun ki, oğlum buna baxmayaraq, hələ də peşman deyil".

Qeyd edək ki, Fəzail Ağamalının sədri olduğu Ana Vətən Partiyasının ötən gün keçirilən qurultayında qalmaqal yaşanıb.F. Ağamalı partiyaya rəhbərliyi deputat qızı Günay Ağamalıya həvalə etmək istəyib. Lakin partiya üzvlərinin bir qismi onun oğlu Elçin Ağamalının namizədliyini dəstəkləyib. Qurultayda F. Ağamalı ilə oğlu arasında gərginlik yaşanıb.

Milli.Az