Cəmiyyət

Müşahid Hüseyn Seyyid: "Pakistan Dağlıq Qarabağ münaqişəsinin həllində Azərbaycanın ədalətli mövqeyini dəstəkləyir"

21 Sentyabr 2020 22:49

Baxış: 917

VTB-də minimal faiz dərəcəsi ilə nağd kredit 10.49%-dən

Azərbaycanı beynəlxalq arenada dəstəkləyən, ölkəmizin haqq mübarizəsinə ən yaxından dəstək verən ölkələrdən bir də Pakistandır. Qeyd-şərtsiz Azərbaycana dəstək verən Pakistan hər zaman ölkəmizin yanında olduğunu, Dağlıq Qarabağ münaqişəsinin həlli istiqamətində əlindən gələn yardımı əsirgəməyəcəyini dəfələrlə bəyan edib.

Milli.Az Trend-ə istinadən bildirir ki, Azərbaycan Televiziyasının (AzTV) "Hədəf" analitik proqramının budəfəki qonağı Pakistan İslam Respublikası Senatının Xarici Əlaqələr Komitəsinin sədri, senator Müşahid Hüseyn Seyyid olub. O, Pakistan-Azərbaycan münasibətləri, əlaqələrin inkişafı və perspektivləri ətrafında fikirlərini səsləndirib. Senator Müşahid Hüseyn Seyyid "Hədəf"də aparıcı Elnar Məmmədlinin və digər qonaqlar, politoloqlar Rufiz Qonaqov və Zaur Məmmədovun suallarına ətraflı cavablar verib. Müşahid Hüseyn Seyyid bildirib ki, Azərbaycanla Pakistan arasında dostluq və tərəfdaşlığa əsaslanan ikitərəfli siyasi əlaqələr mövcuddur. O, qeyd edib ki, Pakistan Dağlıq Qarabağ münaqişəsinin həllində Azərbaycanın ədalətli mövqeyini dəstəkləyir: "Biz həmişə sizin bayrağınızı öz bayrağımız kimi qorumağa, sizin şərəfinizi öz şərəfimiz, sizin ərazi bütövlüyünüzü öz ərazi bütövlüyümüz kimi dəstəkləməyə hazırıq!".

Senatorun bu və digər açıqlamaları ilə tanış olmaq üçün "Hədəf"i bütöv şəkildə "YouTube" kanalımızdan izləyin!

https://www.youtube.com/watch?v=wMlJZPjni0w

https://www.instagram.com/aztvresmi/?hl=ru
http://www.aztv.az/az/
https://www.facebook.com/aztvresmi
https://twitter.com/aztvresmi
https://www.youtube.com/channel/UCVf7OL0jKiO1OMHN_qaNf0w

İnformasiya dəstəyi - Trend.az

Milli.Az