Cəmiyyət

Minsk Qrupu Ermənistanın qeyri-qanuni fəaliyyətini dayandırmaq üçün səylər göstərməlidir - "Hədəf"də TƏHLİL

16 Sentyabr 2020 22:35
Baxış: 879
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ermənistanın bütün beynəlxalq hüquq norma və prinsiplərini pozaraq Livan və Suriyadan erməniləri işğal altında saxladığı Azərbaycanın Dağlıq Qarabağ və ətraf rayonlarına köçürməsi, rəsmi İrəvanın işğalçılıq siyasətinin bariz nümunəsidir.

Ermənistan bu addımı ilə sülhdə maraqlı olmadığını, münaqişənin alovlanmasında maraqlı olduğunu nümayiş etdirir. Konfliktin həlli ilə məşğul olan beynəlxalq təşkilatların susqunluğu isə işğalçının mənfur siyasətini davam etdirməyə stimul yaradır.

Milli.Az Trend-ə istinadən bildirir ki, Azərbaycan Televiziyasının (AzTV) "Hədəf" analitik proqramında Ermənistanın beynəlxalq hüquqa zidd siyasəti, bölgəni fəlakətə sürükləyən addımları ətrafında müzakirə aparılıb. Verilişin qonaqları, Milli Məclisin deputatı Fazil Mustafa və Bakı Dövlət Universitetinin Jurnalistika fakultəsinin dekanı, politoloq Vüqar Zifəroğlu mülahizələrini bölüşüblər. Qeyd edilib ki, Azərbaycanın işğal olunmuş ərazilərində həyata keçirilən qeyri-qanuni məskunlaşdırma siyasətinin heç bir hüquqi qüvvəsi yoxdur. F.Mustafa qeyd edib ki, Azərbaycan Dağlıq Qarabağ münaqişəsinin həllində prinsipial mövqe sərgiləyir, düşməndən və düşməni himayə edənlərdən beynəlxalq hüquqa əməl olunmasını tələb edir. V.Zifəroğlu isə bildirib ki, Ermənistan Suriya və Livandan 90-cı illərin əvvəllərində təkcə erməniləri deyil, fərqli terrorçu qrupları da gətirərək Azərbaycan Ordusuna qarşı istifadə edib.

"Hədəf"ə video bağlantı vasitəsilə qoşulan beynəlxalq ekspertlər Malik Əyyub Simbal və Arye Qut Ermənistanın işğalçı siyasəti ətrafında fikirlərini bölüşüblər. Vurğulanıb ki, beynəlxalq aləm Ermənistanın işğalçılıq siyasətini davam etdirməsinə şahidlik edir. Bildirilib ki, münaqişə zonalarında olan ermənilərin işğal edilmiş Dağlıq Qarabağda məskunlaşdırılması çox ciddi məsələdir. ATƏT-in Minsk Qrupu Ermənistanın bu cür qeyri-qanuni fəaliyyətini dayandırmaq üçün səylər göstərməlidir.

"Hədəf"in müzakirəsini bütöv şəkildə "YouTube" kanalımızdan izləyə bilərsiniz:

https://www.youtube.com/watch?v=pcCQQm_CfZc

https://www.instagram.com/aztvresmi/?hl=ru
http://www.aztv.az/az/
https://www.facebook.com/aztvresmi
https://twitter.com/aztvresmi
https://www.youtube.com/channel/UCVf7OL0jKiO1OMHN_qaNf0w

İnformasiya dəstəyi - Trend.az

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.