Cəmiyyət

XƏBƏRDARLIQ! Temperatur 5-8 dərəcə aşağı enəcək, rayonlara dolu yağacaq

10 May 2019 16:27
3 Şərh     Baxış: 4 006

Ekologiya və Təbii Sərvətlə Nazirliyi Milli Hidrometeorologiya Departamenti sabah gözlənilən hava şəraiti ilə bağlı xəbərdarlıq edib.

Milli.Az-ın məlumatına görə, xəbərdarlıqda deyilir:

"Bakıda və Abşeron yarımadasında mayın 11-də bəzi yerlərdə yağış yağacağı, 10-dan 11-nə keçən gecə bəzi yerlərdə intensiv olacağı ehtimalı var. Gündüz yağış tədricən kəsiləcək. Şimal-qərb küləyinin sürəti 10-15, arabir 18-23 m/s olacaq, axşama doğru mülayimləşərək 7-12 m/s təşkil edəcək. Havanın temperaturu gecə 14-16, gündüz 19-23 dərəcə isti olacaq.

Mayın 11-də isə respublikanın rayonlarında arabir yağış yağacağı, gecə bəzi yerlərdə leysan xarakterli intensiv olacağı gözlənilir. Bəzi dağətəyi rayonlarda dolu düşəcəyi, Böyük Qafqazın yüksək dağlıq ərazilərində qar yağacağı ehtimalı var.

Havanın temperaturu ötən günlərlə müqayisədə 5-8 dərəcə aşağı enəcək. Çaylarda sululuğun artacağı, bəzi dağ çaylarından qısamüddətli daşqın keçəcəyi ehtimal olunur. Mayın 11-də gündüz saatlarında əksər rayonlarda yağıntı tədricən kəsiləcək. Lakin mayın 12-13-də bəzi rayonlarda yenidən arabir yağıntılı hava şəraiti gözlənilir.

Mayın 12-də hava dəyişkən buludlu olacaq, əsasən yağmursuz keçəcək. Havanın temperaturu 26 dərəcəyədək yüksələcək".

Milli.Az

loading...

Şərh yaz:

3 Şərh:

  • Anonim
    ZƏHRA · 10 May 16:5801

    Off yene yagiw yene kulek

    Cavab yaz
    • Anonim
      $$$. · 10 May 17:2810

      Yaz yaqmuru gözəl olur , Zəhra can ! Nə qədər yaqır , yaqsın , bir saat gunəş cıxan kimi hər yan parıldayacaq !

      Cavab yaz
  • Anonim
    $$$. · 10 May 17:3711

    Allahın salamı olsun hər kəsə ! Hərvaxtınız xeyir hörmətli şərhcilər ! Necəsiniz ? İnşallah ki yaxşısınız !

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.