PUL
Azərbaycanda bir neçə aydır itkin düşmüş şəxsin skeletləşmiş meyiti tapılıb.
Milli.Az bildirir ki, publika.az-ın əldə etdiyi məlumata görə, Kürdəmir rayonu ərazisində oğlana məxsus olan skelet aşkar edilib. Ölən şəxsin kimliyini müəyyən etmək üçün zəruri ekspertizalar təyin edilib, araşdırmalara aparılıb.
Həyata keçirilən araşdırmalar çərçivəsində ölən şəxsin kimliyini dəqiqləşdirilib. Məlum olub ki, skeletləşmiş meyit keçən ilin sentyabr ayından itkin düşmüş 1997-ci il təvəllüdlü Əliyarov Tərxan Rüstəm oğluna məxsusdur.
Qeyd edək ki, T.Əliyarovun ailə üzvləri bir müddət əvvəl teleaparıcı Xoşqədəm Hidayətqızının aparıcısı olduğu "Səni axtarıram" verilişinə çıxaraq Tərxanın yoxa çıxdığını bildiriblər və onun tapılması üçün kömək istəyiblər.
Hazırda faktla bağlı araşdırmalar davam etdirilir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
