Cəmiyyət

Tamaşaçı: "Bədii gimnastika zərif idman növüdür"

6 Dekabr 2018 20:34

Baxış: 1 013

VTB-də minimal faiz dərəcəsi ilə nağd kredit 9.9%-dən

#CƏMİYYƏT #İDMAN #GİMNASTİKA

Bədii gimnastika çox gözəl və zərif idman növüdür.

Milli.Az xəbər verir ki, bu barədə Trend-ə bədii gimnastika üzrə 25-ci Azərbaycan birinciliyinin tamaşaçısı Səbinə Əliyeva deyib.

O, bu idman növünü çox sevdiyini deyib: "Mənim qızım da bədii gimnastika ilə məşğul olur və bu gün bu yarışlarda iştirak edir. Uşaqlarımız üçün Milli Gimnastika Arenasında bütün şərait yaradılıb, yarışlar isə yüksək səviyyədə təşkil olunub".

S.Əliyeva əlavə edib ki, ölkədə gimnastika yüksək sürətlə inkişaf edir.

Qeyd edək ki, 6-9 dekabr tarixlərində Milli Gimnastika Arenasında bədii gimnastika üzrə 25-ci Azərbaycan Birinciliyi və 5-ci Bölgələrarası Kubok keçirilir.

Yarışların ilk 3 günü fərdi gimnastlar "balacalar", "yeniyetmələr", "gənclər" yaş kateqoriyasında, qrup hərəkətləri komandaları isə "balacalar" və "yeniyetmələr" yaş kateqoriyasında mübarizə aparacaqlar. İdmançılar arasında Ocaq Sport Klubu, Bakı Gimnastika Məktəbi, Respublika Kompleks İdman Məktəbi, AyUlduz Klubu, Zirvə "International" İdman Klubu, Sərhədçi İdman Olimpiya Mərkəzi, Su İdman Sarayı, Zabrat İdman Klubu, həmçinin Sumqayıt şəhəri, Qusar, Gəncə, Mingəçevir, İsmayıllı, Kürdəmir, Şirvan və Göyçay rayonlarının yetirmələri yer alacaqlar.

Turnirin son günü isə Bölgələrarası Kubok start götürəcək. Sayca 5-ci olan bu kubokda bölgələrimizi təmsil edən gimnastlar həm fərdi, həm də qrup hərəkətləri proqramında öz çıxışlarını hakimlərə nümayiş etdirəcəklər.

Yarışların ən maraqlı məqamı da məhz son günə təsadüf edəcək. Belə ki, ötən il olduğu kimi, bu il də təşkilatçılar "Qızıl Yaş" adlı şou hazırlayaraq, tamaşaçılara məşqçilərin iştirakı ilə maraqlı gimnastika nömrələri təqdim edəcəklər.

Milli.Az

Milli.Az - Xəbər Portalı

Tamaşaçı: "Bədii gimnastika zərif idman növüdür"

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?