Cəmiyyət

Azərbaycan paytaxtına daha 200 yeni taksi gətirilib - FOTOSESSİYA

20 Sentyabr 2011 20:45
0 Şərh     Baxış: 967
VTB-də minimal faiz dərəcəsi ilə nağd kredit 9.9%-dən
#AZERBAİJAN #MANGANESE BRONZE HOLDİNGS PLC
Azərbaycan Nəqliyyat Nazirliyi tərəfindən Bakı şəhərində taksi xidmətlərinin təkmilləşdirilməsi məqsədilə təsis olunmuş "Baku Taxi Company" şirkətinin xətti ilə paytaxta daha 200 ədəd yeni taksi avtomobili gətirilib.

Bu barədə "APA-ECONOMICS"ə Nəqliyyat Nazirliyi Katibliyinin rəhbəri Namiq Həsənov məlumat verib.

Onun sözlərinə görə, bununla da paytaxtdakı taksilərin sayı 300-ə çatıb: "İlin axırına qədər isə bu rəqəm 1000-ə çata bilər".

Qeyd edək ki, yeni taksi maşınları Böyük Britaniyanın "Manganese Bronze" şirkətindən alınır. Taksilər Çinin "Geely Automobile Holding"i tərəfindən istehsal olunaraq "Manganese Bronze" şirkətinə göndərilir. Bunun üçün Azərbaycan tərəfi Britaniya şirkətinə 16 mln. funt sterlinq (təxminən 26,1 mln. ABŞ dolları) ödəyəcək.

Taksi xidmətlərinin təkmilləşdirilməsi proqramı Britaniyanın "TX4 London Taxis" qrupu ilə əməkdaşlıq çərçivəsində həyata keçirilir. "Manganese Bronze" şirkəti "TX4 London Taxis" üçün bir sıra beynəlxalq (Fransa, İtaliya, Səudiyyə Ərəbistanı, Küveyt) sifarişlər həyata keçirib.
 
Milli.Az






















Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.