Cəmiyyət

“Sovetski”də tarixi abidə - Abbas Mirzə Şərifzadənin evi dağıdıldı - FOTO

14 May 2016 22:17
3 Şərh     Baxış: 2 849

Paytaxtın "Sovetski" məhəlləsində yerləşən tarixi abidələrdən daha biri bu gün sökülüb.

Söhbət böyük sənətkarlarımız, Azərbaycanın ilk kinorejissorlarından biri, əməkdar artist Abbas Mirzə Şərifzadənin və onun həyat yoldaşı SSRİ xalq artisti Mərziyə Davudovanın yaşadığı üçmərtəbəli evdən gedir.

Milli.Az musavat.com-a istinadən bildirir ki,Akademik Milli Dram Teatrının yaxınlığında yerləşən bu mülk 1910-cu ildə tikilmişdi və tarixi abidələr sirasındaydı. Böyük aktyor 1937-ci ilədək, həbs olunana qədər bu evdə yaşamışdı.

Böyük sənətkar həmin ilin 4 dekabrında öz evində həbs olunmuşdu, bir il sonra güllələnmişdi. Həbs edilərkən bu evdə axtarış aparılmışdı, bir teatr qılıncı, iki teatr tapançası silah kimi müsadirə edilmişdi.

Uzun müddətdir müzakirə mövzusu olmasına, hətta deputat Fazil Mustafa tərəfindən parlamentdə qaldırılmasına baxmayaq, söküntü işlərini həyata keçirənlər bu binanı dağıtmaq niyyətindən əl çəkməyiblər.

Xatırladaq ki, bu ünvanda Şərifzadələr nəslinin daha bir yadigarı, Azərbaycanın xalq artisti Firəngiz Şərifova da dünyaya gəlib. Bu nəslin digər yadigarı olan Eldar Qasımov isə Avroviziya mahnı müsabiqəsinin 2011-ci ildəki qalibidir.

Bir neçə ay öncə qapıdakı xatirə lövhəsi çıxarılmışdı. Sakinlərin dediyinə görə, bir neçə gün əvvəl evin qapısını da çıxarıb aparıbmışlar. Bu gün isə ildırım sürəti ilə başlanan söküntü işi qısa müddətdə başa çatdırılıb və ev yerləbir edilib.

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    teselli · 14 May 2016 22:5800

    heyf cox heyf...

    Cavab yaz
  • Anonim
    Türkəm · 15 May 2016 00:0900

    Deməyə sözüm qalmadı. Bu necə dardüşüncəlikdir...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.