Texnologiya

“Microsoft” həkimlərdən də dəqiq işləyən süni intellekt təqdim edib

2 İyul 2025 14:38

Baxış: 861

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

"Microsoft", insan həkimlərindən 4 dəfə daha dəqiq nəticə verən yeni süni intellekt sistemini təqdim edib.

Milli.Az xəbər verir ki, "MAI Diagnostic Orchestrator" (qısa adı: MAI-DxO) adlanan bu sistem tibbi diaqnostikada inqilabi dəyişiklik vəd edir.

Süni intellekt "OpenAI", "Google", "Meta" və digər şirkətlərin modellərini birləşdirərək "birlikdə qərar" mexanizmi ilə işləyir. 304 mürəkkəb tibbi hal üzərində aparılan testlərdə sistemin diaqnostik dəqiqliyi 80%-ə çatıb. Eyni hallarda həkimlərin nəticələri 20% səviyyəsində olub.

MAI-DxO yalnız təsvirə əsaslanan sahələrdə deyil, ümumi tibbi diaqnostikada da istifadə edilə bilər. Lakin mütəxəssislər sistemin klinik şəraitdə geniş sınaqlardan keçirilməsinin vacibliyini vurğulayırlar.

Qeyd edək ki, "Microsoft" texnologiyanı hələlik kommersiyaya çıxarmayıb, lakin gələcəkdə bu sistemin sağlamlıq məsləhətləri və peşəkar tibbi alətlərdə istifadəsi planlaşdırılır.

İlqar Şabanov
Milli.Az