“Yasin” surəsini oxumağın 10 bərəkəti

Məsum İmamlar (ə) "Yasin" surəsinin nə qədər əzəmətə malik olduğunu vurğulamaq üçün onu "Quranın ürəyi" adlandırmışdılar. Hər bir insanın qəlbi - bədəninin rəhbəridir. "Yasin" surəsi də Quranın rəhbəridir və rəhbər olmadan irəli gedə bilməz. Ona görə də yaxşı olar ki, bu surəni oxumağın faydaları ilə tanış olaq.

Milli.Az deyerler.org-a istinadən bildirir ki, Həzrət Peyğəmbər (s) buyurur: "Quran Allahdan savayı hər şeydən üstündür. Hər kim Qurana hörmət edər, hər an Allah Təalaya ehtiram etmiş və izzət qoymuş olar. Hər kim Qurana hörmətsizlik edər, Onun haqqını dəyərsiz hesab etmiş olar. Quranın hörməti övladın boynunda olan atanın hörməti kimidir. Allah Quranı eşidən insandan dünya bəlasını və imtahanlarını, Quranın qarisindən isə axirət bəlalarını uzaq edər. Həqiqətən, Allahın kitabında elə bir surə vardır ki, Əziz adlandırılır. O surənin qarisi Şərif adlandırılır. Bu surə Allah yanında Rəbih və Məzər (qəbiləsinin insanlarının) sayı qədər insanları şəfaət edər. Bu surə "Yasindir". Ey Əli! "Yasin" surəsini oxu ki, bu surədə 10 bərəkət vardır:
1. Ac yatmaz, məgər o halda ki, tox ayılar.
2. Susuz olmaz, məgər o halda ki, sirab olar.
3. Paltarsız deyildir, məgər o halda ki, geyindirilər.
4. Subay deyildir, məgər o halda ki, evləndirilər.
5. Bir şeydən qorxan insan deyildir, məgər o halda ki, amanda olar.
6. Əsir və zindanda deyildir, məgər o halda ki, nicat tapar.
7. Xəstə deyildir, məgər o halda ki, sağalar.
8. Müsafir deyildir, məgər o halda ki, səfərdə yardım olunar.
9. Bu surəni ölünün yanında oxumazlar, məgər o halda ki, (günahları) azalar.
10. O kəsin ki, itirdiyi vardır - bu surəni oxumaz, məgər o halda ki, (itirdiyini) tapar".
"Misbah" kitabında oxuyuruq ki, hər kim bu surəni yanında gəzdirər, göz dəyməsindən və cinlərin şərindən amanda olar. Xoş yuxular görər. (Tebyan)
Əllamə Məclisi buyurur: "Peyğəmbəri (s) yuxuda görmək üçün üç gecə bu surənin 42-ci ayəsini 30 dəfə oxusun".
Yoxsulluğun aradan getməsi üçün hər səhər çağı "Yasin" surəsinin 68-ci ayəsini oxumaq lazımdır.
Həzrət Peyğəmbər (s) buyurur: "Hər kim "Yasin" surəsini yazar və onu yuduqdan sonra suyunu içərsə, daxilinə min cür dərman, min cür nur, yəqin, bərəkət və rəhməti daxil edər və hər cür dərdi ondan uzaqlaşdırar".
Milli.Az