Cəmiyyət

Azərbaycanda ağır qəza: ölən və yaralananlar var - FOTO

19 Sentyabr 2015 20:26

1 Şərh Baxış: 2 931

VTB-də minimal faiz dərəcəsi ilə nağd kredit 9.9%-dən

Qarşı qarşıya hərəkətdə olan iki minik avtomobil toqquşub.

Ağdam rayonu ərazisində ağır yol qəzası baş verib.
Milli.Az anspress-ə istinadən bildirir ki, rayonun Sarcalı kəndi ərazisində qarşı qarşıya hərəkətdə olan iki VAZ-2107 markalı avtomobil toqquşub.
Zərbə nəticəsində sürücülərdən biri - rayonun Çəmənli kənd sakini Faiq Pənahov sükan arxasındaca dünyasını dəyişib. Hər iki avtomobildə olan 5 nəfər - sürücü Ruslan Cəfərov, sərnişinlər 36 yaşlı Niyaməddin Həsənov, 35 yaşlı Səma Xəlilova, 33 yaşlı Xəyalə Abdullayev, 25 yaşlı Əkbər Qasımov ağır xəsarət alıb. Yaralılar əvvəlcə Ağdam MRX-na aparılsa da, vəziyyətləri ağır olduğundan təcili tibbi yardım maşınlarıyla Bərdəyə gətirilib.
Yaralılardan Ruslan Cəfərovun vəziyyətinin normal olduğu deyilir. Digərlərinin isə vəziyyəti ağırdır. Qəzada ölən sürücü Faiq Pənahovun taksi fəaliyyəti göstərirmiş. Hazırda faktla bağlı Ağdam royun polis şöbəsində araşdırma aparılır. Hadisənin baş vermə səbəbi də araşdırmalardan sonra məlum olacaq.
Milli.Az