Cəmiyyət

Gün eynəkləri gözümüzü zərərli şüalardan qoruyurmu?

12 May 2015 20:38
0 Şərh     Baxış: 4 299
VTB-də minimal faiz dərəcəsi ilə nağd kredit 9.9%-dən
#CƏMİYYƏT #DRUG DR YAZ
Yaz-yay mövsümünün əsas aksessuarlarından biri də gün eynəkləridir. O eynəklər ki, gözümüzü günün zərərli şüalarından qorumalıdır. Bəs, görəsən, müxtəlif satış məntəqələrindən alıb istifadə etdiyimiz gün eynəkləri, həqiqətən də, gözümüzü qoruyurmu?

Havalar istiləşdikcə gün eynəklərindən istifadə zərurətə çevrilir. Qızmar yay günəşinin şüalarından gözlərimizi qorumaq üçün ən əsas vasitə məhz gün eynəkləridir. Mövsümi tələbata uyğun olaraq, gün eynəkləri satılan satış məntəqələrinin də sayı artır. Lakin burada satılan eynəklərin keyfiyyəti nə satanı, nə də alanı o qədər də maraqlandırmır. Əsas odur, necə deyərlər, alan alsın, satan satsın.
Kəpəz TV (Region TV) xəbər verir ki, əslində, heç bir uyğunluq sertifikatı olmadan alıb istifadə etdiyimiz keyfiyyətsiz eynəklərin gözlərimizə mənfi təsiri heç də günün zərərli şüalarından az deyil.

Çəkiliş apardığımız eynək satışı məntəqələrindən isə bildirdilər ki, satılan eynəklərin çoxu keyfiyyətli və zərərsiz sayıla bilməz. Ancaq bu, o demək deyil ki, satışda heç də keyfiyyətli eynəklər yoxdur. Yaxşı qiymətə sertifikatlı eynəklər də tapıb almaq olar.

Əsas olan bir məsələdir - sağlamlığımızla bağlı istənilən addıma mütəxəssislər qərar verməlidirlər. Odur ki, eynək alarkən belə, həkimlə məsləhətləşmək mütləqdir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.