Cəmiyyət

Bakıya məcburi eniş edən təyyarədən xəbər var

11 Aprel 2015 11:48
0 Şərh     Baxış: 4 219
VTB-də minimal faiz dərəcəsi ilə nağd kredit 9.9%-dən
#CƏMİYYƏT #TƏYYARƏ #HAVA LİMANI #BRİTİSH AİRWAYS PLC #DEUTSCHE LUFTHANSA AG
Dünən Heydər Əliyev Beynəlxalq Hava Limanına məcburi eniş edən "British Airways" şirkətinin Bakıdan Londona uçmalı olan sərnişinlərindən 36 nəfəri "Lufthansa" şirkətinin təyyarəsi ilə Londona yola salınıb.

Bunu APA-ya"Azərbaycan Hava Yolları" Qapalı Səhmdar Cəmiyyətinin prezidentinin köməkçisi, xidmət rəisi Məhərrəm Səfərli bildirib.

Onun sözlərinə görə, bu sərnişinlərdən 20 nəfəri hava limanının yaxınlığında yerləşən mehmanxanada yerləşdiriblər: "Qalan sərnişinlər Bakı şəhərinin müxtəlif yerlərindədir".

O bildirib ki, təyyarədə olan texniki nasazlığı aradan qaldırmaq üçün Londondan ehtiyat hissəsi gətirilməlidir: "Təyyarə xırda təmirdən sonra bu gün axşam saatlarında yenidən Londona yola salınacaq".

Qeyd edək ki, dünən axşam saatlarında "British Airways" şirkətinin Bakıdan Londona uçan təyyarəsi Heydər Əliyev Beynəlxalq Aeroportunda məcburi eniş edib. Aprelin 10-da Bakıdan Londona uçan "British Airways" şirkətinə məxsus "Aerobus-321" tipli təyyarə 21:19-da havaya qalxıb. Uçuşdan 11 dəqiqə sonra gəmi kapitanı Heydər Əliyev Beynəlxalq Aeroportunun dispetçer xidməti ilə əlaqə saxlayaraq təyyarənin iki mühərrikindən birində yanğın baş verdiyini bildirib və Heydər Əliyev Beynəlxalq Aeroportuna məcburi eniş edəcəyi barədə xəbər verib. Təyyarənin göyərtəsində olan 92 sərnişin və heyət üzvlərindən heç kəs xəsarət almayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.