Cəmiyyət

Tikinti materialları bazarında qiymətlər qalxdı - VİDEO

10 Aprel 2015 18:25

0 Şərh Baxış: 15 177

#CƏMİYYƏT #CUBA

Tikinti materialları bazarında daha çox Rusiyadan idxal edilən taxtanın qiyməti artıb. Hər kuba görə təxminən 50 manat. TTV (Region TV) xəbər verir ki, satıcılar deyirlər ki, dolların və rublun məzənnəsinin manata nisbətən yüksəlməsi qonşu ölkələrdən gələn bütün materialların qiymətinə təsir edib. Məsələn, Ukraynadan gətirilən armaturun da qiymətində artım var.

Sahibkar Rasim Cəlilli: "Hazırda dəmir məmulatlarında qiymət fərqi var, o da hardasa 20-30 faiz artım var. Amma alıcılıq qabiliyyəti hərtərəfli zəifdir".

Beləliklə, armatur 1 tonu 600 manatdan, 800 manata, taxtanın bir kubu 180 manatdan 240 manata, metal dam örtüyünün 1 ədədi 23 manatdan 28 manata qalxıb. Yerli tikinti materiallarında da bahalaşma var, məsələn, mişar daşının 1 ədədi 25 qəpik artaraq 70 qəpiyə, kərpicin qiyməti isə 10 qəpik bahalaşaraq 50 qəpiyə çatıb.

Tikinti mövsümü başlasa da, qiymətlərdəki bu bahalaşma səbəbindən bazarda müştəri qıtlığı var. Satıcılar deyirlər ki, bu il qeydə alınan durğunluq ötən illə müqayisədə daha çoxdur.

Satıcılar bildirirlər ki, ümumilikdə, tikinti mövsümündə daha çox taxta və mişar daşının qiyməti bahalaşıb. Sement, plastik məhsulları və digər yerli tikinti materiallarının qiymətindəki artım nəzərəçarpacaq dərəcədə deyil.

Milli.Az

Videonu izləmək üçün şəkilə klikləyin.