Cəmiyyət

Əmlakınıza qiymət qoyulacaq!

9 Aprel 2015 13:17
Baxış: 7 653
VTB-də minimal faiz dərəcəsi ilə nağd kredit 9.9%-dən
#CƏMİYYƏT #İQTİSADİYYAT
Bu ilin sonuna kimi Azərbaycanda daşınmaz əmlakın kütləvi qiymətləndirilməsi üzrə yeni layihənin gerçəkləşməsinə başlanılacaq.

Trend-in məlumatına görə, bu barədə layihənin təqdimatında Əmlak Məsələləri üzrə Dövlət Komitəsinin (ƏMDK) sədr müavini Rafiq Cəlilov bildirib.

Onun sözlərinə görə, bu layihənin məqsədi daşınmaz əmlakın kütləvi və dəqiq qiymətləndirilməsini vahid mərkəzdən reallaşdırmaqdır.

R.Cəlilov qeyd edib ki, burada böyük miqdarda daşınmaz əmlakın eyni zamanda qiymətləndirilməsi nəzərdə tutulur. Pilot layihə Sumqayıtda həyata keçirilib.

Sədr müavini bu layihənin faydalarından danışarkən yeni sistemin daşınmaz əmlaka iqtisadi yanaşmanın inkişafını təmin edəcəyini deyib. O vurğulayıb ki, layihə dövlətin daşınmaz əmlaka münasibətdə öz sosial-iqtisadi siyasətini və məqsədlərini daha dəqiq formalaşdırmasına yardımçı olacaq.

ƏMDK yanında Daşınmaz Əmlakın Reyestri Xidmətinin rəis müavini Seymur Əliyev isə bildirib ki, son 5 ildə ölkədə 170 min obyektin qiymətləndirilməsi aparılıb, ay ərzində isə 5 minə yaxın obyekt bazaya daxil edilir.

Kütləvi qiymətləndirmə layihəsi Dünya Bankının (DB) maliyyə dəstəyi çərçivəsində həyata keçirilir.

Azərbaycan hökuməti və DB 2007-ci ildə daşınmaz əmlakın vahid kadastrının yaradılması üzrə Saziş imzalayıblar. Layihə 4 komponentdən ibarətdir: daşınmaz əmlakın qeydiyyatı, dövlət əmlakının idarəsi və reyestri; baza kartoqrafiyası və torpaq kadastrı; layihənin siyasətinin formalaşması və idarəsi ilə bağlı təlimlər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.