Cəmiyyət

Bazarlarda balığın qiyməti niyə düşdü?

9 Aprel 2015 13:33
0 Şərh     Baxış: 3 236
VTB-də minimal faiz dərəcəsi ilə nağd kredit 9.9%-dən
#CƏMİYYƏT
Son günlər balıqçılıq rayonları olan Salyan və Neftçalada balıq ucuzlaşıb. Balıq ticarətində qiymətlər təqribən yarıbayarı aşağı düşüb. Belə ki, əgər əvvəllər çəki balığı 25, kütüm 10-9 manata satılırdısa, indi müvafiq olaraq 13 və 5 manata təklif olunur.

AZƏRTAC xəbər verir ki, bu ucuzlaşma digər növ balıqların qiymətlərində də özünü göstərir.

Bəs, qiymətlərin belə kəskin aşağı düşməsinin səbəbi nədir? Balıq ticarəti ilə məşğul olan Salyan sakini İlqar Məmmədov və alıcı Bəxtiyar Sadıqov bunun səbəbini mövsümlə bağlı yaranan bolluqla əlaqələndirirlər. Onların fikrincə, bu aylarda balıq ovu ilə məşğul olanların sayının çoxalması bazarlarda bolluğun yaranmasına gətirib çıxarıb.

Lakin bu ucuzlaşma nə satıcıları, nə də alıcıları narahat edir. Çünki belə ucuzluğun yaratdığı imkandan istifadə edən alıcılar daha çox balıq alırlar. Satıcılar isə çox məhsul satdıqlarına görə qazanclarını sabit saxlaya bilirlər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.