Cəmiyyət

Yol polisi sərxoş qadın sürücülərin adlarını niyə AÇIQLAMIR?

17 Dekabr 2014 12:06

0 Şərh Baxış: 2 169

VTB-də minimal faiz dərəcəsi ilə nağd kredit 9.9%-dən

#AZERBAİJAN #CƏMİYYƏT #QƏZA #AVTO #ETİK INVEST NORDİSKA AKTİER

Bakı Şəhər Dövlət Yol Polisi İdarəsinin son reydləri zamanı paytaxtda 10 sərxoş qadın sürücü saxlanılıb

Onların bəzilərinin müvafiq sənədləri qaydasında olmasa da, əksəriyyəti avtomobili sərxoş vəziyyətdə idarə edənlər olub.

İdarənin bölmə rəisi Vaqif Əsədov isə sərxoş sürücülərin iştirakı ilə 50-dən çox yol-nəqliyyat hadisəsi baş verdiyini bildirib.

Modern.az saytı sərxoş sürücülərin adları öyrənməyə çalışsa da, Vaqif Əsədov bu haqda məlumatı vermək istəməyib, qeyd edib ki, adları açıqlamaq etik baxımdan düzgün sayılmaz.

Ekspert, tanınmış hüquqşünas Ərşad Hüseynov isə adların açıqlanmasında heç bir problem görmür.

Onun sözlərinə görə, məlumat azadlığı olduğundan hüquq pozuntuları ilə bağlı məlumatlar məxfi deyil: "Hüquq pozuntuları ilə bağlı məlumatlar yayımlana bilər. Lakin əgər sırf etik baxımdan bu məlumatlar ictimaiyyətə açıqlanmırsa, onları da başa düşmək olar. Bu fikri xoşlamasam da deyirəm ki, Azərbaycanda mentalitet anlayışı bəzən belə məlumatları yaymağa imkan vermir. Həmin qadınların da adları ona görə açıqlanmır ki, onun ailəsi, yaxınları nəzərə alınır. Lakin qanunvericilikdə onların adlarının açıqlanmaması üçün heç bir məhdudiyyət qoyulmur".

Ərşad Hüseynov deyib ki, əgər bu hadisə ictimai məsuliyyət daşıyırsa, mətbuat da bununla maraqlanırsa, məlumat verilə bilər: "Şəxsi, ailə, kommersiya, bank sirri, dövlət sirri məxfidir və bu məlumatlar yayımlana bilməz. Yaxud məhkəmə prosesində istifadə olunacaq məlumatlar sonradan məhkəmə prosesində çətinlik yaratmaması üçün əvvəlcədən açıqlanmır. Amma sərxoş qadın sürücülərinin adlarının açıqlanmasında heç bir problem yoxdur".

Milli.Az

Milli.Az - Xəbər Portalı

Yol polisi sərxoş qadın sürücülərin adlarını niyə AÇIQLAMIR?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?