Cəmiyyət

İstehlakçılara xəbərdarlıq - FOTO

26 Noyabr 2014 14:28
1 Şərh     Baxış: 2 057
VTB-də minimal faiz dərəcəsi ilə nağd kredit 9.9%-dən
#CƏMİYYƏT #ANGLO IRİSH BANK CORPORATİON LİMİTED
Azərbaycanda kustar üsulla istehsal olunan və tərkibində ağır metalların, zəhərli maddələrin olduğu duzların açıq satılması halları aşkarlanıb.

Trend-in məlumatına görə, bu barədə Azad İstehlakçılar Birliyi (AİB) bu gün keçirilən mətbuat konfransında bildirilib.

Qeyd olunub ki, ölkəmizdə azad bazar şəraitinin, rəqabət mühitinin inkişafı istehsalçıların və istehlakçıların həyatına çox müsbət təsir göstərir. Lakin bəzi sahələrdə hələ də xoşagəlməz hallar özünü göstərməkdədir.

Bununla əlaqədar olaraq Azad İstehlakçılar Birliyi (AİB) növbəti dəfə monitorinq keçirib.

Monitorinq nəticəsində müəyyən olunub ki, yodlaşdırılmamış duzun bazara çıxarılması nəticədə istehlakçıların sağlamlığına çox böyük zərər verilir. Əsasən Ukrayna, Rusiya istehsalı kimi təqdim olunan və digər xarici qablaşdırmalarda olan duzlar suda həll olunan zaman çöküntü verərək qeyri-şəffaf bulanıq rəngə düşür. Bununla yanaşı, bu duzların ağır metallardan təmizlənməmiş olması da aydın müşahidə olunur.

Hər bir istehlakçı bilməlidir ki, keyfiyyətli və saf duz suda həll olarkən suyun rəngi təmiz və şəffaf olmalıdır. Duzun suda asan həll olması və rənginin bəyaz olması isə onun keyfıyyətli məhsul olduğuna dəlalət edir.

Buna görə də istehlakçılar duz alarkən onun qablaşdırmasına, istifadə müddətinə və istehsal müəssisəsinə diqqət etməlidir.

Milli.Az

Böyütmək üçün şəkillərə klikləyin.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.