Cəmiyyət

Quba-Qonaqkənd yolunda uçqun təhlükəsi var - VİDEO

4 Noyabr 2014 17:05

0 Şərh Baxış: 1 950

VTB-də minimal faiz dərəcəsi ilə nağd kredit 9.9%-dən

#CƏMİYYƏT

Hava şəraitinin qeyri-sabit keçməsi avtomobil yollarında təhlükəsizlik məsələsini qabardır. Problem daha çox kənd yollarında özünü göstərir. Milli.Az Regional TV-yə istinadən xəbər verir ki, 82 saylı yol istismar idarəsinin tabeliyində olan Quba-Qonaqkənd yolu da təhlükəli yollar sırasındadır. Yağmurlu hava belə yollarda hərəkəti bir qədər də çətinləşdirir. Adıçəkilən yolun ən təhlükəli hissəsi Təngaltı yaşayış massivindən keçir.

Gücləndirilmiş iş rejimində çalışan idarənin əməkdaşları sürücülərin təhlükəsizliyini təmin etmək məqsədi ilə öhdəliyinə düşən tədbirləri görürlər. Amma idarənin əməkdaşları bu məsələyə sürücülərin də biganə yanaşmamasını xahiş edir.

Təhlükəli yollardan sayılan Quba-Qonaqkənd yolu inşası davam etdirilən Quba-Şamaxı yolunun bir hissəsidir. Hava şəraiti əlverişsiz olsa da, güclü şaxta olmadığından yolda tikinti işləri davam etdirilir. Hazırda yol üzərində körpülərin tikintisi aparılır. Sərt qayalıqlardan və dağ çaylarının üzərindən keçəcək Quba-Şamaxı avtomobil yolunun uzunluğu 110 kilometr, eni 12 metr olacaq. Bu yol ölkənin 2 regionunu birləşdirməklə bərabər, Quba rayonunun 67 ucqar kəndində yaşayan əhalinin uzun illər yaşadığı yol problemini aradan qaldıracaq.

Milli.Az

Videonu izləmək üçün şəkilə klikləyin.