Cəmiyyət

2015-ci il qrant müsabiqəsinin istiqamət və şərtləri müzakirə olundu

3 Noyabr 2014 19:44
Baxış: 811
VTB-də minimal faiz dərəcəsi ilə nağd kredit 9.9%-dən
#AZERBAİJAN #CƏMİYYƏT

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının növbəti iclası keçirilib

Şuranın mətbuat xidmətindən Trend-ə verilən məlumata görə, Şura sədri, millət vəkili Azay Quliyev iclası açaraq gündəlikdə rəhbərlik etdiyi qurumun 2015-ci il birinci maliyyə müsabiqəsinin mövzuları, maliyələşdirdiyi xarici QHT-lərin layihələrinin yekunlarına həsr edilən beynəlxalq konfransın keçirilməsi və daxil olan layihələr haqqında məsələlərin olduğunu bildirib.

Şura Katibliyinin icraçı direktoru Fərasət Qurbanov gündəlikdə duran birinci məsələ haqqında ətraflı məlumat verərək Şuranın Əsasnaməsinə və QHT-lərə dövlət dəstəyi Konsepsiyasına uyğun olaraq, 2015-ci ilin birinci maliyyə müsabiqəsi üçün 7 müxtəlif istiqamət üzrə mövzu təkliflərinin hazırlandığını qeyd edib. F.Qurbanov mövzuların bloklar üzrə qruplaşdırıldığını və layihələrin icrasının effektivliyinin artırılması məqsədi ilə bir sıra yeni şərt və qaydaların müəyyən olunduğunu deyib. Katibliyin icraçı direktoru budəfəki müsabiqədə qrantların həcminin artırılmasının təklif olunduğunu və QHT-lərin Şuraya həm fərdi, həm də koalisiya şəklində layihələr təqdim edə biləcəyini bildirib.

İclasda çıxış edən Şura üzvləri Sahib Məmmədov, Tahir Süleymanov, Vüqar Qədirov, Əliməmməd Nuriyev və Dilarə Vəliyeva müsabiqənin şərt və qaydaları ilə bağlı təkliflərini səsləndiriblər.

Şura sədri irəli sürülən təkliflərin Katiblik tərəfindən araşdırılaraq nəzərə alınması ilə bağlı tapşırıq verib.

İclasda gündəlikdə duran digər məsələlər müzakirələrdən sonra səs qoyularaq qəbul olunub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.