Cəmiyyət

Yağış Bakının ayıbını açdı - FOTO

3 Noyabr 2014 15:58
1 Şərh     Baxış: 2 145
VTB-də minimal faiz dərəcəsi ilə nağd kredit 9.9%-dən
#FOTOREPORTAJLAR #CƏMİYYƏT #HAVA

Yağış suları Xocasən sakinlərini sel təhlükəsi ilə qarşı-qarşıya qoyub

Sakinlərin anspress-ə verdiyi məlumatına görə 3 saatdan artıqdır ki, müvafiq dövlət qurumları məlumatlandırılıb. Buna baxmayaraq, Xocəsən sakinləri hələ də sel təhlükəsindən sovuşmayıblar.

Artıq bəzi sakinlər özlərinə məxsus əşyaları götürərək evlərini tərk edirlər. Sakinlərin FHN-ə etdikləri zənglərə isə hələ də, baxan yoxdur.

Xocasən sakinləri ilə yanaşı Sulutəpə, Binəqədi, Biləcəri və s. istiqamətlərdə yollara su dolub.

Vətəndaşların sözlərinə görə, hazırda yollara su dolması ilə əlaqədar həm tıxac yaranıb, həm də piyadaların hərəkəti üçün böyük çətinliklər yaranıb.

Yağışlı hava şəraiti ilə əlaqədar səhər saatlarında yollarda qəzalar da olub. Bakı şəhər Baş Polis İdarəsi Dövlət Yol Polisi İdarəsinin mətbuat xidmətinin rəisi, polis polkovnik-leytenantı Vaqif Əsədov bildirib ki, qəza nəticəsində xəsarət alan olmasa da, maddi ziyan dəyib.

Qeyd edək ki, Azərbaycan sinoptikləri noyabrın 5-dək ölkə ərazisində qeyri-sabit, yağmurlu hava şəraitinin üstünlük təşkil edəcəyini açıqlayıblar.

Fövqəladə Hallar Nazirliyinin yaydığı məlumata görə, yağan yağışlar nəticəsində Bakıda bəzi evləri su basıb.

Milli.Az

Böyütmək üçün şəkillərə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.