Cəmiyyət

"Park bulvar" ticarət və əyləncə mərkəzində "Ölkələrin paradı" adlı festival başlanır

3 Noyabr 2014 14:23

Baxış: 2 673

VTB-də minimal faiz dərəcəsi ilə nağd kredit 9.9%-dən

#RUSSİA

1 noyabr tarixindən "Park bulvar" ticarət və əyləncə mərkəzində (dənizkənarı bulvar ərazisində) "Ölkələrin paradı" adlı festival başlanır. Festivalda 20-yə yaxın ölkələrin nümayəndəsi iştirak etməklə, bir il müddətində həyata keçiriləcək.
Festivalın açılışı 1 noyabr 2014-cü il, saat 17:00-da Rusiya Federasiyasının möhtəşəm "Rusiyaya pəncərə" adlı mədəniyyət şousu ilə baş tutub və 7 noyabr tarixinə qədər davam edəcək.

Festivalın proqramı:

- Sərgidə gənc və yeniyetmə rəssamların "Vətən M.Y. Lermontov və M.F. Axundovun dili ilə" "və "Nar ağacı" adlı rəsmləri nümayiş ediləcək. Nümayiş olunan rəsmlərin çox hissəsi Bakı şəhərində yerləşən Rusiya İnformasiya Mədəniyyət Mərkəzinin nəzdində fəaliyyət göstərən Uşaq Yaradıcılıq Mərkəzinə məxsusdur.

- Sərgidə Rusiyanın xalq sənətkarlıq işləri və suvenirləri nümayiş olunacaq.

- Proqramın açılışında "Park bulvar" ticarət və əyləncə mərkəzinin birinci mərtəbəsində arzu edənlər üçün beş dəqiqəlik gimnastika dərsi olacaq. Bu dərs Bakı-2015 ilk Avropa Yay Olimpiya Oyunlarına həsr olunacaq. Dərsi bədii gimnastika üzrə üçqat Azərbaycan çempionu, əməkdar məşqçi Nurcahan Əsgərova və onun yetirmələri keçəcəklər.Güman ki, bu dərs mətbuat və televiziya nümayəndələri tərəfindən geniş nümayiş olunacaq.

- Gimnastika dərsi bitdikdən sonra gənc estrada ifaçıları və rəqqaslar konsert proqramı ilə çıxış edəcəklər. Proqram rus və Azərbaycan mahnı və rəqslərindən ibarət olacaq.

- Proqram davam etdikcə qonaqlara qız və oğlanlardan ibarət uşaq moda defilesi göstəriləcək. Nümayişdə Azərbaycan və Rusiyanın ənənələrini özündə birləşdirən gənc modelyerlərin işləri sərgilənəcək.

- "Park Bulvar" ticarət və əyləncə mərkəzinin birinci mərtəbəsində məlumat mərkəzi xidmət göstərəcək, hansı ki, qonaqların "Rusiya universitetlərinə necə qəbul olmaq olar?" sualını cavablandıracaq.

- Bütün gün ərzində qonaqlara əyləncə mərkəzinin üçüncü mərtəbəsində yerləşən "Kalinka" kafesində rus mətbəxinin nümunələri təqdim olunacaq.

Bu genişmiqyaslı mədəni festival "Park Bulvar" ticarət və əyləncə mərkəzinin dəstəyilə Bakıda fəaliyyət göstərən Rusiya İnformasiya və Mədəniyyət Mərkəzinin rəssamları və rəqqasları, gənc yaradıcılıq klubu olan "Sozvezdie" tərəfindən həyata keçiriləcək.

Əlavə məlumat üçün:

Tel: 598-80-80, 598-80-00,

E-mail: info@parkbulvar.az