Cəmiyyət

Həftənin ilk iş gününün hava proqnozu

2 Noyabr 2014 13:40
27 Şərh     Baxış: 8 245
VTB-də minimal faiz dərəcəsi ilə nağd kredit 9.9%-dən
#HAVA
Həftənin ilk iş günü Bakıda hava buludlu olacaq.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan Trend-ə verilən məlumata görə, noyabrın 3-də Bakıda və Abşeron yarımadasında buludlu hava şəraitinin üstünlük təşkil edəcəyi, arabir yağıntılı olacağı gözlənilir. Gecə bəzi yerlərdə intensivləşəcəyi ehtimalı var. Gündüz dəyişkən buludlu olacaq, arabir tutulacaq.

Şimal-qərb küləyinin 18-23 m/s, gecə və səhər arabir 25-30 m/s sürətlə əsəcəyi, yarımadanın bəzi yerlərində 33-35 m/s-dək güclənəcəyi, axşama doğru 9-14 m/s-dək mülayimləşəcəyi gözlənilir.

Havanın temperaturunun gecə və gündüz 3-6 dərəcə isti, Bakıda gecə və gündüz 4-6 dərəcə isti olacağı gözlənilir.

Azərbaycan rayonlarında yağıntılı olacağı, dağlıq ərazilərdə sulu qar yağacağı gözlənilir. Gecə bəzi yerlərdə intensiv olacağı ehtimalı var.

Gündüz yağıntı tədricən kəsiləcək.

Qərb küləyi 5-10 m/s sürətlə əsəcək, arabir 20-25 m/s, gecə ayrı-ayrı yerlərdə 30-35 m/s-dək güclənəcək.

Havanın temperaturunun gecə 1-6 dərəcə isti, gündüz 6-11 dərəcə isti olacağı gözlənilir.
Aran rayonlarında noyabrın 3-də yağıntılı olacağı, bəzi yerlərdə intensivləşəcəyi gözlənilir. Gündüz qərb rayonlarından başlayaraq yağıntı tədricən kəsiləcək.

Qərb küləyi 5-10 m/s sürətlə əsəcək, arabir 20-25 m/s, gecə ayrı-ayrı yerlərdə 30-35 m/s-dək güclənəcək.

Havanın temperaturunun gecə 3-6dərəcə isti, gündüz 6-11dərəcə isti olacağı gözlənilir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.