Paytaxtımızın 7 möcüzəsi - FOTO

Avrasiyanın sürətlə inkişaf edən şəhərlərindən biri də Bakıdır

Şəhərdə tikinti işləri sürətlə gedir və tam əminliklə demək olar ki, Bakı 2020-ci ilədək Zaqafqaziyanın Sinqapuruna çevriləcək.

Milli.Az publika.az-a istinadən müasir Bakını bəzəyən 7 möcüzəli memarlıq nümunələsinin siyahısını təqdim edir.

Heydər Əliyev Mərkəzi

Zaha Hadid tərəfindən layihələşdirilən Heydər Əliyev Mərkəzi XXI əsrin ən füsunkar tikililəri siyahısına düşüb. Binada mətbuat mərkəzi, sərgi zalı və inzibati ofislər var. Tikintisində heç bir düzxətli konstruksiyadən istifadə olunmayıb. Dalğavarı bina 2014-cü ilin ən yaxşı layihəsi seçilib və "Design of the Year 2014" (İlin dizaynı) mükafatına layiq görülüb.

Baku Crystal Hall

25 min insan tutumuna malik olan Crystal Hall düz 8 aya tikilib. Onun tikintisi üçün körfəzdə süni yarımada da salınıb. 2012-ci ildə "Eurovision" mahnı müsabiqəsinə ev sahibliyi edən Azərbaycan mərasimin keçirilməsi üçün Crystal Hall-u seçib. İndi isə burada konsertlər keçirilir.

Heydər Əliyev Hava Limanı

Uzun müddət Bakı hava limanı kiçik terminaldan istifadə edib. İnkişafla əlaqədar hava limanını genişləndirməyə ehtiyac yarandı. 2013-cü ildə hava limanının yeni terminalı açıldı. Maraqlıdır ki, hava limanı yuxarıdan baxanda qanadları açıq vəziyyətdə olan quşa oxşayır. Yeni terminal dövlət hava şirkəti olan "Azal"ın idarəçiliyi altındadır.

Ağ şəhər

Bakıda nə vaxtsa sənaye bölgəsi və fəhlə rayonu hesab olunan Qaraşəhər adlı bir ərazi mövcud olub. İndi isə hökumət bu ərazinin adını dəyişərək burada "White City" adlı yeni şəhər salmaq niyyətindədir. Yeni rayonun sahilyanı bölgələri yalnız hündürmərtəbəli binalarla bəzədiləcək.

İçərişəhər

Bu yer sovet filminin dünyadakı bütün həvəskarlarının ən sevimli məkanıdır. Məşhur "Brilyant əl" filmi məhz burada çəkilib. İndi isə "Mironovun qaçaqmalçıları"nın keşik çəkdiyi köhnə küçələrdən yalnız qapılar qalıb. Buraya gələn hər bir turist selfie çəkdirməyə çalışır.

Flame Tower

Flame Tower (Alov qüllələri) Bakı və Azərbaycanın yeni simvoludur. Simvol isə gərək Bakının hər yerindən görünsün. Binanın işıqlandırılma sistemi dünyada ən yaxşılardan biri hesab olunur. Qüllə tamamilə üzərində yanan alovu əks etdirən LED ekranla əhatə olunub. Binanın işıqları uzaqdan alova bənzəyir və elə bu səbəbdən də binaya "Alovlu qüllələr" adı verilib.

Khazar İslands

Dünyanın yeni möcüzəsi tikilmə mərhələsindədir. Khazar İslands - Xəzər dənizində yerləşən 78 adanı birləşdirən süni arxipelaqdır. Onun uzunluğu 10 kilometrdir. Tikinti işlərinə 100 milyard dollar sərf olunacaq. Plana əsasən, yeni şəhərdə sakinlər 2016-cı ildə məskunlaşacaqlar. 2025-ci ildə isə burada əhali 1 milyon nəfər təşkil edəcək.

Milli.Az

Böyütmək üçün şəkillərə klikləyin.