Cəmiyyət

Əcnəbi tələbələr Bakıya yığışdılar - FOTO

28 Oktyabr 2014 15:10

0 Şərh Baxış: 1 229

VTB-də minimal faiz dərəcəsi ilə nağd kredit 9.9%-dən

#AZERBAİJAN #CƏMİYYƏT

Əcnəbi Tələbələrin 1-ci Azərbaycan dili olimpiadasının ilk mərhələsi keçirildi.

Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən "Əcnəci tələbələrin 1-ci Azərbaycan dili olimpiadası" layihəsinin əsas mərhələsi uğurla baş tutub. Milli.Az xəbər verir ki, Bakı Beynəlxalq Tələbə Klubunun həyata keçirdiyi bu layihə çərçivəsində əcnəbi tələbələr bu dəfə öz Azərbaycan dili bacarıqlarını peşakar münsiflər heyəti qarşısında nümayiş etdirdilər. Oktyabr ayının 24-də "Bakı Caz Mərkəzində" Azərbaycanın 7 ali təhsil müəssisəsindən (ADNA, ADİU, ATU, AZTU, AZMİU, BSU, Xəzər) 100-dən çox əcnəbi tələbə finala keçmək uğrunda yarışdılar. Olimpiadanın münsiflər heyətində millət vəkili Aydın Mirzəzadə, tanınmış prodüser Murad Dadaşov, 2014-cü ilin Olimpiya səfiri, əməkdar artist Tünzalə Ağayeva və xəbər aparıcısı Samira Mustafayeva təmsil olunurdular. Münsiflər iştirakçıların çıxışlarına öz münasibətlərini bildirdilər və onların bacarıqlarını bal sistemi ilə qiymətləndirdilər. Bu mərhələdə iştirakçılar qısa zamanda iştirak üçün universitetlərin və Bakı Beynəlxalq Tələbə Klubunun köməyi ilə Azərbaycan dilində şeir, mahnı, atalar sözləri və kəlamlar öyrənərək çıxışlar etdilər.

Layihəni həyata keçirən Bakı Beynəlxalq Tələbə Klubunun sədri Aysəba Mirzəyevanın sözlərinə görə, bu olimpiadanın əsas hədəflərindən biri əcnəbi tələbələr arasında azərbaycan dilinin təbliği, dilimizə olan sevgilərinin artırılması, onlar arasından istedadlı gənclərin üzə çıxarılmasıdır.

Qeyd edək ki, layihənin bağlanış və seçilən iştirakçıların mükafatlandırma mərasimi rəsmilərin iştirakı ilə yaxın günlərdə baş tutacaq.

Milli.Az

Böyütmək üçün şəkillərə klikləyin.

Milli.Az - Xəbər Portalı

Əcnəbi tələbələr Bakıya yığışdılar - FOTO

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?