Cəmiyyət

Nuşirəvan Məhərrəmli telekanalları qınadı

28 Oktyabr 2014 11:21

0 Şərh Baxış: 783

VTB-də minimal faiz dərəcəsi ilə nağd kredit 9.9%-dən

#AZERBAİJAN #CƏMİYYƏT

Azərbaycan Milli Televiziya və Radio Şurası (MTRŞ) telekanallardakı vəziyyətdən narahatdır

MTRŞ sədri Nuşirəvan Məhərrəmli Trend-ə açıqlamasında bildirib ki, Azərbaycan ədəbi dili efirlərdə aşağı səviyyədədir:

"Milli Televiziya və Radio Şurası Azərbaycanda ədəbi dilin qorunmasına xüsusi fikir verir. Biz yarandığımız gündən bu məsələni diqqətdə saxlayırıq. Hesab edirəm ki, Azərbaycan dilinin ekranda tam həcmdə olması üçün verdiyimiz qərar bizim üçün ən böyük uğurlardan biridir. Amma Azərbaycan ədəbi dili efirlərdə aşağı səviyyədədir. Bunu hər birimiz görürük. Tək efir deyil, bunu insanların gündəlik həyatında da hiss edirik. Amma televiziya və radio xüsusi bir sahə olduğu üçün burada çalışanların yüksək intellektə malik olmasını, Azərbaycan ədəbi dil qaydalarını bilməsini istəyirik".

Onun sözlərinə görə, MTRŞ istəyir ki, televiziya və radio kanallarında aparıcılar hər hansı bir ləhcədə danışmasınlar, Azərbaycan ədəbi dilində danışsınlar: "Orta məktəbdə biz Azərbaycan dilini vahid Azərbaycan dili kitabları ilə öyrənirik və orada Azərbaycan dili ləhcələr üzərində qurulmur, öyrədilmir, vahid Azərbaycan dilində öyrədilir. Eyni dil də Azərbaycan televiziya və radio kanallarında olmalıdır".

N.Məhərrəmli bildirib ki, bu ilin sentyabr ayından Şura Dilçilik İnstitutunun əməkdaşları ilə monitorinqlərə başlayıb: "Oktyabrın axırı monitorinqlər qurtaracaq və noyabrın ortalarında biz telekanallarda ədəbi dilin qorunmasına dair monitorinqin nəticəsini elan edəcəyik".

Milli.Az

Milli.Az - Xəbər Portalı

Nuşirəvan Məhərrəmli telekanalları qınadı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?