Cəmiyyət

Ali Məhkəmə hakiminin səlahiyyət müddəti uzadılır

27 Oktyabr 2014 17:16
Baxış: 1 052
VTB-də minimal faiz dərəcəsi ilə nağd kredit 9.9%-dən
#AZERBAİJAN #CƏMİYYƏT #MƏHKƏMƏ

Azərbaycan Ali Məhkəməsinin hakimi Əli Rüstəmovun səlahiyyət müddəti uzadılır

Trend-in məlumatına görə, Azərbaycan Prezidentinin təqdimatına əsasən Milli Məclis Əli Məhəmməd oğlu Rüstəmovun Azərbaycan Respublikası Ali Məhkəməsinin hakimi təyin edilməsi barədə qərarı oktyabrın 28-də keçiriləcək plenar iclasında müzakirə edəcək.

Qeyd edək ki, 01.10.1949-cu ildə anadan olmuş Ə.Rüstəmov 21.07.2000-ci il tarixdən Ali Məhkəmənin hakimidir.

"Məhkəmələr və hakimlər haqqında" Azərbaycan Respublikası Qanununun 96-cı maddəsinə əsasən hakim vəzifəsinə hakimlər ilk dəfə beş il müddətinə təyin olunurlar. Həmin müddət ərzində onlar ildə ən azı bir dəfə tədris kurslarına cəlb edilirlər. Bu müddətin sonunda hakimlərin fəaliyyəti qiymətləndirilir. Qiymətləndirmə nəticəsində hakimin fəaliyyətində peşəkar çatışmazlıq aşkar edilməzsə, Məhkəmə-Hüquq Şurasının təklifi ilə onun səlahiyyətləri son yaş həddinə - 65 yaşınadək uzadılır. Son yaş həddinə çatmış hakimin peşəkarlığından istifadə edilməsinə ehtiyac olduqda, Məhkəmə-Hüquq Şurasının təklifi ilə onun səlahiyyət müddəti 70 yaşınadək artırıla bilər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.