Cəmiyyət

İntizam komissiyasından deputatların davasına - MÜNASİBƏT

27 Oktyabr 2014 14:29
Baxış: 2 051
VTB-də minimal faiz dərəcəsi ilə nağd kredit 9.9%-dən
#CƏMİYYƏT #MİLLİ MƏCLİS #MİLLƏT VƏKİLİ #ETİK INVEST NORDİSKA AKTİER

"Aydın Mirzəzadə ilə Etibar Hüseynov münasibətlərini məhkəmədə aydınlaşdırmalıdırlar"

"Deputatlarımız arasında etik davranış qaydalarını pozanlar yoxdur. İntizam komissiyasının sədri kimi belə faktlara rast gəlməmişəm".

Milli.Az-ın məlumatına görə, bunu modern.az saytına YAP icra katibinin müavini, Milli Məclisin İntizam komissiyasının sədri Siyavuş Novruzov deyib.

O bir müddət öncə deputatların etik davranış qaydaları ilə bağlı qanun layihəsinin gündəmdə olmasına da münasibət bildirib:

"Deputatların etik davranış qaydaları ilə bağlı müəyyən ölkələrin təcrübəsi öyrənilir, tədqiqatlar aparılır, onun uyğunlaşdırılması məsələsi gedir və bununla əlaqədar Azərbaycanda olan bir neçə beynəlxalq təşkilatların, o cümlədən Avropadan olan ayrı-ayrı qurumların nümayəndələri ilə də görüşlərimiz, söhbətlərimiz olur. Bütün bunların hamısını kompleks şəklində hazırlayıb müvafiq dövrün tələblərinə cavab verəcək qanun layihəsi hazırlayacağıq".

Deputat Etibar Hüseynov müxalifətin oktyabrın 12-də "Məhsul" stadionunda keçirilən mitinq iştirakçılarını qoyuna bənzətməsinə YAP-çı deputat Aydın Mirzəzadə kəskin etiraz edib. O təhqirin yolverilməz olduğunu bildirib.

Deputatlar arasında yaşananlara Siyavuş Novruzovun reaksiyası belə olub: "Aydın Mirzəzadə ilə Etibar Hüseynovun hər ikisi müstəqil şəxslərdir. Əgər kimsə kimisə təhqir edibsə, onlar artıq məhkəmədə öz münasibətlərini aydınlaşdırmalıdırlar. Əlavə nəsə deyə bilmərəm".

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.