Cəmiyyət

Bakı Dövlət Universitetinin alimi vəfat edib - YENİLƏNİB - FOTO

12 Mart 2014 16:36
5 Şərh     Baxış: 2 523
12:10

Milli.Az Bakı Dövlət Universitetinin mətbuat xidmətinə istinadən bildirir ki, akademik Bəhram Əsgərovla vida mərasimi saat 2-də Bakı Dövlət Universitetinin Böyük akt zalında başlanacaq.

---------
10:19

Bakı Dövlət Universitetinin (BDU) Bərk cisimlər fizikası kafedrasının müdiri, Azərbaycan Dövlət Mükafatı laureatı, əməkdar elm xadimi, prezident təqaüdçüsü, "Şöhrət" ordenli akademik Bəhram Mehrəli oğlu Əsgərov 81 yaşında vəfat edib.

BDU-nun mətbuat xidmətindən APA-ya verilən məlumata görə, akademik B.M.Əsgərov 1933-cü il oktyabrın 5-də Tovuz rayonunun Əhmədabad kəndində anadan olub. 1952-ci ildə indiki BDU-nun fizika-riyaziyyat fakültəsinə daxil olub, 1957-ci ildə oranı fərqlənmə diplomu ilə bitirərək AMEA-nın Fizika İnstitutunun aspiranturasına daxil olub. 1962-ci ildə namizədlik, 1971-ci ildə doktorluq dissertasiyası müdafiə edərək fizika-riyaziyyat elmləri doktoru alimlik dərəcəsi alıb. 1972-ci ildən professordur.
 
1960-1966-cı illər Azərbaycan SSR Elmlər Akademiyasının Fizika İnstitutunda elmi işçi olan B.Əsgərov 1966-cı ildən BDU-da çalışıb. 1966-1971-ci illərdə BDU-nun "Molekulyar fizika" kafedrasının dosenti işləyib. 1971-ci ildən ömrünün son gününədək onun təşəbbüsü ilə yaradılmış Bərk cisimlər fizikası kafedrasının müdiri, 1994-cü ildən 2004-cü ilədək BDU-nun elmi işlər üzrə prorektoru vəzifəsində çalışıb.
 
B.Əsgərov 2000-ci ildə Azərbaycanın əməkdar elm xadimi fəxri adına layiq görülüb. 2001-ci ildə "Fizika" ixtisası üzrə Azərbaycan Milli Elmlər Akademiyasının müxbir üzvü, 2007-ci ildə isə həmin ixtisas üzrə həqiqi üzvü seçilib. 2004-cü ildə Azərbaycanın "Şöhrət" ordeni ilə təltif edilib. 2009-cu ildə prezident təqaüdünə layiq görülüb.
 
Akademik B.Əsgərov 5 monoqrafiyanın, bir neçə dərslik və dərs vəsaitinin, Rusiyada, Amerikada, Yaponiyada və bir sıra digər xarici ölkələrdə nəşr edilən nüfuzlu elmi jurnallarda dərc olunmuş 170 məqalənin müəllifidir. Rəhbərliyi altında 15 elmlər namizədi və dörd elmlər doktoru yetişib.
 
Akademik B.Əsgərovun əziz xatirəsi onu tanıyanların qəlbində əbədi yaşayacaq.

Allah rəhmət eləsin!

Milli.Az

--------
16:36

Böyütmək üçün şəkillərə klikləyin.

loading...

Şərh yaz:

5 Şərh:

  • Anonim
    sama · 12 Mart 2014 11:0400

    Allah rəhmət eləsin. yeri cənnət olsun.mənə dərs demişdi.çox əla müəllim idi

    Cavab yaz
  • Anonim
    tt sumqayit · 12 Mart 2014 11:5300

    Allah rehmet elesin Behram muellime bizim qohumdur

    Cavab yaz
  • Anonim
    Arab · 12 Mart 2014 13:2600

    Allah rehmet elesin,bu bizim elm uchun boyuk itkidi!!!

    Cavab yaz
  • Anonim
    Anonim · 12 Mart 2014 14:3100

    Allah rehmet etsin qebri nurla dolsun mene ders demisdi

    Cavab yaz
  • Anonim
    Qrup236 · 12 Mart 2014 16:5900

    Behram muellime Allah qeni qeni rehmet elesin.BDU-da muelimimiz olub.Mekani cennet olsun.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.