Cəmiyyət

Azərbaycanda ən qorxulu ilanlar hansı tərəfdədir?

26 İyul 2013 14:51
0 Şərh     Baxış: 2 983
VTB-də yüksək depozit faizleri daha çox qazandırır
#CƏMİYYƏT #SAĞLAMLIQ
İyulun 1-dən 25-ə qədər 1 saylı xəstəxanaya ilan, əqrəb və qaraqurd dişləmiş 25 nəfər müraciət edib. Milli.Az xəbər verir ki, bu barədə Day.Az saytına Səhiyyə Nazirliyinin baş toksikoloqu, 1 saylı xəstəxananın toksikologiya şöbəsinin müdiri Azər Maqsudov bildirib.

Onun sözlərinə görə, həmin dövr ərzində 16 nəfər ilan, 4 nəfər qaraqurd, 5 nəfər isə əqrəb dişləməsi ilə müraciət edib.

"Xəstəxanamızda bir nəfər gürzə zəhərindən dünyasını dəyişib. Bu 6 yaşlı Salyan rayon sakinidir. Onu gec gətirmişdilər, həm də ilkin yardım göstərməmişdilər. Əlbəttə ki, biz ilan zəhəri əleyhinə iynə vurduq, lakin artıq gec idi. Hazırda 3 nəfər stasionar şəkildə müalicə olunur. Onlar Siyəzən, Qəbələ və Şamaxı sakinləridirlər", - o əlavə edib.

Baş toksikoloq vətəndaşlara xəbərdarlıq da edib.

"Ağac altında oturmazdan əvvəl oranı yaxşı-yaxşı yoxlamaq lazımdır", - o qeyd edib.

Azər Maqsudov bildirib ki, Azərbaycanda ən çox ilan dişləməsi halları Bakıda və Abşeron yarımadasında - Bilgəh, Zirə, Maştağa, Qobu, Qobustan və s. kəndlərdə baş verir. Bundan başqa, Siyəzən, Şamaxı, İsmayıllı, Yevlax, Bərdə, Masallı və Lənkəran rayonlarında da bu cür hallar baş verir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.