Maraqlı

Mask onu gətirir - Hazırlıqlar gedir

20 İyul 2025 13:02
Baxış: 1 479
VTB-də minimal faiz dərəcəsi ilə nağd kredit 9.9%-dən
#DÜNYADA #MARAQLI #TEXNOLOGİYA #SÜNİ İNTELLEKT

Amerikalı milyarder və texnologiya sahibkarı İlon Mask yeni layihəsi ilə gündəmə gəlib. O, süni intellekt əsaslı çat-botu "Grok"un uşaqlar üçün uyğunlaşdırılmış versiyasını, "Baby Grok" adlı tətbiq kimi təqdim etməyi planlaşdırır.

Milli.Az xəbər verir ki, bu barədə Mask şəxsi "X" (əvvəlki Twitter) hesabında məlumat verib.

"Uşaqlar üçün uyğun məzmun təqdim edəcək "Baby Grok xAI" tətbiqini hazırlayacağıq", - deyə o bildirib.

Yeni tətbiqin məqsədi uşaqlara yaşlarına uyğun və təhlükəsiz süni intellekt dəstəyi təqdim etməkdir. Layihə Maskın qurucusu olduğu xAI startapı tərəfindən hazırlanacaq.

Qeyd edək ki, "Grok" Maskın xAI şirkəti tərəfindən hazırlanmış süni intellekt çat-botudur və hazırda "X" platformasında (Premium abunəliklə) istifadəçilərə təqdim olunur. "Baby Grok" isə bu texnologiyanın uşaqlara uyğunlaşdırılmış, təhlükəsiz və öyrədici versiyası olacaq.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.