Cəmiyyət

Cəlilabadda nadir insan qəbri aşkarlanıb

20 Avqust 2010 22:37

Baxış: 669

VTB-də minimal faiz dərəcəsi ilə nağd kredit 9.9%-dən

Cəlilabad ərazisində yeni arxeoloji nümunələr tapılıb. Hazırda alimlər yeni tapıntılar üzərində iş aparır.
Cəlilabadın dağətəyi zonasında yerləşən Xanəgah kəndi ərazisindəki Xudu Tənəsi adlanan ərazidə aparılan arxeoloji qazıntı zamanı nadir insan qəbri aşkar olunub. Qazıntını həyata keçirən Milli Elmlər Akademiyasının Arxeologiya və Etnoqrafiya İnstitutunun arxeoloji ekspedisiyasının rəisi Abuzər Ələkbərov bu qəbrin tunc dövrünə aid olduğunu deyir. Cəlilabad rayonunu Azərbaycanın ən qədim tarixi yaşayış məskənlərindən biri hesab edən arxeoloq qəbirdən çıxan keramika qalıqları və maddi mədəniyyət gümbəzlərinə əsasən bu abidənin 5-6 min il bundan əvvələ aid olduğunu demək olar.

Qeyd edək ki, indiyə qədər rayon ərazisində onlarla küp qəbirlər aşkar olunub. Lakin yeni qazıntı bir sıra orijinal keyfiyyəti ilə seçilir. Bu qəbirin içərisindən 4 kiçik həcmli saxsı küp çıxıb və həmin qəbirdə dəfn olunmuş insanın meyitinin hissələrə bölünərək bu küplərin içərisinə yığıldığı müəyyənləşib. Tarixçi alim bunun yeni bir elmi kəşf olduğunu söyləyir.

Qəbirin içərisindən çıxan silah qalıqları və skelet qalıqları dəfn olunanın boynunun 2 metrə yaxın olmasından xəbər verir. Arxeoloq Abuzər Ələkbərov bildirir ki, Xudu Təpəsi ciddi elmi araşdırma tələb edir. Onun sözlərinə görə, 4 hektardan artıq sahəsi olan bu yaşayış mərkəzində tarixin dörd dövründə - antik, tunc, dəmir və orta əsrlərdə yaşayış olub və burada həyat son dövrlərə qədər davam edib. Arxeoloq onu da bildirir ki, ilin sonuna kimi Cəlilabadın arxeoloji abidələrini əks etdirən elmi araşdırmalar və arxeoloji xəritədən ibarət monoqrfiya çap olunacaq. Bu yeni tapıntı da orada öz əksini tapacaq.

/ANS TV/

Milli.Az - Xəbər Portalı

Cəlilabadda nadir insan qəbri aşkarlanıb

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?